Éxodo 40:13 - Tayta Diospa Wilakuynin

¹³ Nirkurna sagrädu mödanata Aarónta jatiparkur sagrädu aceitita umanman winapanki. Saynöpami noqata sirvimaq cürana kanqa.

Éxodo 40:13 ပူးပေါင်းရင်းမြစ်များ

Éxodo 28:41

Saykunata rurarkasir wawqiki Aarónta y surinkunata jatipanki. Nirkur umanman sagrädu aceitita winapanki sirvimaq cürakuna kayänanpaq.

Éxodo 29:7

Sayno jatiparkur noqata sirvimaq cüra kananpaq Aarónpa umanman sagrädu aceitita winapanki.

Éxodo 40:14

Saynöla Aarónpa surinkunatapis qayaykur tünicankunata jatipanki.

Isaías 61:1

Tayta Dios akramash karmi Espïritunta noqaman kachamush. Paymi kachamash pobrikunata ali wilakuyninta wilanäpaq, lakish kawaqkunata shakyäsinäpaq, juklä nacionman prësu aywaqkuna librina kayashqanta wilanäpaq y carcilcho wichqaraykaqkunatapis yarqayämunanpaq kashqanta wilanäpaq.

Levítico 7:35

<<

Levítico 7:36

Israel runakuna imaypis sayno makyayänanpaqmi Aarónta y surinkunata cüra kayänanpaq churashqan junaq Tayta Dios nish. Say nishqankunaqa imayyaqpis leymi qamkunapaq kanqa> >>.

Levítico 8:13

Saypitanami Aarónpa surinkunata qayaykur tünicata jatiparkur wachkaparqan. Nirkurnami umankunamanpis görrata jatiparqan. Tayta Dios nishqannölami lapantapis rurarqan.

Juan 17:19

Nimashqaykinölami lapantapis cumpliykä. Saynöpami noqata rikakamar paykunapis nishqaykikunata cumpliyanqa.

Juan 3:34

Sayno tantiyayan jana pasapita shamuq runa Tayta Dios nishqankunata parlaptinmi. Sayno parlananpaqmi Espíritu Santuta Tayta Dios qorqan.

Hebreos 10:10

Jesucristumi Tayta Dios munashqanta rurar sacrificiupaq noqansi rayku juk kutila wanurqan. Saynöpami perdonashna kar Tayta Diospa nawpancho jusaynaqna kaykansi.

Hebreos 10:29

Sayno kaykaptinqa ¿manasuraq mas peor castiganqa Jesucristuta chaskikush kaykar wilakuyninta mana cäsukuqkunataqa? Paykunaqa kikin Tayta Diospa Surintami manakaqman churaykäyan. Mushuq pactuta rurar salvamänansipaq jichashqan yawartapis mana väliqtanömi rikaykäyan. Kuyapämaqninsi Espíritu Santutapis fiyupami rabyanäsiyan.

1 Juan 2:20

Qamkunamanqa Jesucristumi Espíritu Santuta kachamush. Saymi tantiyayanki mayqan yachasikuykuna ali kashqanta y mayqan mana ali kashqantapis.

1 Juan 2:27

Jesucristupita chaskiyashqayki Espíritu Santu qamkunawanmi kaykan. Paymi rasun kaqlata lapantapis tantiyaykäsiyäshunki. Manami imaypis lulapäyäshunkisu. Sayno kaykaptinqa lutan yachasikuykunata ama chaskiyaysu. Espíritu Santu tantiyasiyäshushqaykinöla Jesucristuman yärakur imaypis kawayay.