Éxodo 38:30 - Tayta Diospa Wilakuynin

³⁰ Say apayashqan broncipitami rurayarqan Tinkuna Toldu punkun ichiraq jorconkunapa jawiräkunanta, altarta, altarpa rejïllanta y altarpa manëjunkunatapis.

Éxodo 38:30 ပူးပေါင်းရင်းမြစ်များ

Éxodo 26:37

Cortïna waqiränanpaq acacia qerupita pisqa jorconkunata rurasinki. Say jorconkunata qoriwan enchapasinki. Nirkur ganchunkunatapis qoripita rurarkasir jorcón puntanman churasinki. Saynöpis jorconkuna ichiräyänanpaq pisqa jawiräkunanta broncipita fundisinki.

Éxodo 27:10

Cortïna waqiränanpaq ishkay chunka (20) jorconkunata broncipita rurasinki. Jorconkunapa jawiräkunantapis broncipita ishkay chunkata rurasinki. Cortïna sararäkunan ganchukunatapis arguëllakunatapis qellaypita rurasinki.

Éxodo 27:17

Patiucho kaykaq lapan jorconkuna qellaypita rurash arguëllayuq y ganchuyuq kayanqa. Say jorconkunapa jawiräkunanpis broncipita kanqa.

Éxodo 27:2

Chuskun esquïnankunacho waqratano rurasinki. Say waqrakuna altarwan say piëzala kayanqa. Altarpa jananta y rurinta bronciwan enchapasinki.

Éxodo 27:4

Saynöla rejïllantapis broncipita rurasinki. Nirkur rejïllapa chuskun esquïnanman broncipita rurash arguëllakunata tanasinki.

Éxodo 38:29

Tinkuna Sagrädu Toldupaq apayashqan broncipis karqan ishkay waranqa kimsa pachak kimsa chunka soqta (2,336) kïlu chusku pachak (400) grämuyuqmi.

Éxodo 38:31

Saynöpis broncipitami rurayarqan Sagrädu Toldu patiuta tumaraq jorconkunapa jawiräkunanta y punkupa jorconninkunapa jawiräkunantapis. Saynöpis broncipitami rurayarqan Sagrädu Toldupa y patiunpa jorconninkunata sararaq estäcankunatapis.