Éxodo 38:17 - Tayta Diospa Wilakuynin

¹⁷ Patiucho kaykaq lapan jorconkunapa jawiräkunanpis broncipitami karqan. Cortïnata sarisinanpaq ganchunkunapis arguëllankunapis qellaypita rurashqami karqan. Jorconkunapa puntankunapis qellaywan enchapashqami karqan. Patiupa lapan jorconninkunapa arguëllankunapis qellaypitami karqan.

Éxodo 38:17 ပူးပေါင်းရင်းမြစ်များ

1 Reyes 7:16

Saynölami columna jananman churananpaqpis broncipita adornukunata rurarqan. Say adornukunapa altuyninmi karqan ishkay metru y juk cuartayuq.

Éxodo 27:10

Cortïna waqiränanpaq ishkay chunka (20) jorconkunata broncipita rurasinki. Jorconkunapa jawiräkunantapis broncipita ishkay chunkata rurasinki. Cortïna sararäkunan ganchukunatapis arguëllakunatapis qellaypita rurasinki.

Éxodo 38:16

Patiu intërunpa kaykaq cortïnakunaqa llanula puskash lïnu jïlupitami karqan.

Éxodo 38:18

Patiu punkunta saparaq cortïnatanami llanula puskash lïnu jïlupita y azul, granäti y puka milwa jïlukunapita rurarqan. Say cortïna kuyaylapaq kananpaqmi shumaq bordayarqan. Larguyninmi karqan esqun metru. Patiupa wakin cortïnankunanölami say cortïnapapis anchuynin karqan ishkay metru ishkay chunka pisqa centïmetru (2.25).

Números 3:36

Say ishkay ayllu runakunami täpayaq Sagrädu Toldupa marcunkunata, travesäñunkunata, jorconninkunata, jawiräkuyänankunata y lapan manëjunkunatapis.

Números 4:32

Tinkunansi Sagrädu Toldupa patiunpa jorconninkunata, jorconpa jawiräkunanta, estäcankunata, watunkunata y lapan manëjunkunatapis. Qammi ninki cada ünun imata apayänanpaq kashqantapis.