Éxodo 37:9 - Tayta Diospa Wilakuynin

⁹ Say ishkan querubinkunami riprankuna mashtash frenti frenti babulpa sapananta rikaraykäyarqan. Saynöpami ishkanpa riprankuna sapananta lantupäyarqan.

Éxodo 37:9 ပူးပေါင်းရင်းမြစ်များ

Génesis 28:12

Sueñuyninchömi rikarqan pampapita jana pasayaq escalëra ichiraykaqta. Saynöpis rikarqan say escalërapa Tayta Diospa angilninkuna wisaykäyaqta y uraykäyämuqta.

Génesis 3:24

Runata sayno qarquskirmi inti jeqamunan kaqläman querubinkunata Tayta Dios churarqan nina rupaykaq espädawan huertata täpayänanpaq. Saymi querubinkuna täpayarqan imayyaqpis kawasikuq jachaman pipis mana yaykunanpaq.

1 Reyes 6:27

Say ishkan querubinkunatami Lugar Santïsimu cuartuman Salomón churasirqan. Ichirkasiptinmi jukaq querubinpa ripran töparqan paderman y jukaq querubinpa ripranpis töparqan jukaq paderman. Jukaq riprankunanami Lugar Santïsimu chawpincho töpanakurqan.

Éxodo 25:20

Say ishkan querubinkunami riprankuna mashtash frenti frenti babulpa sapananta rikaräyanqa. Saynöpami ishkanpa riprankuna sapananta lantupäyanqa.

Éxodo 37:10

Saynölami acacia qerupita mësatapis rurarqan. Say mësapa larguyninmi esqun chunka (90) centïmetru karqan. Anchuyninnami karqan chusku chunka pisqa (45) centïmetru y altuyninnami karqan soqta chunka pisqa (65) centïmetru.

Éxodo 37:8

Sapanantawan querubinkunataqa rurarqan say piëzalatami. Jukaq querubín karqan isuq kaqlänincho y jukaqnami karqan aluq kaqlänincho.

Isaías 6:2

Jamaraykämushqan jananpami serafín angilkuna kaykäyarqan. Say serafín angilkuna soqta riprayuqmi kayarqan. Ishkay riprankunawanmi qaqlanta sapakuyarqan. Ishkaywanmi chakinkunata sapakuyarqan. Ishkay kaqwannami pajayarqan.

Juan 1:51

Nirkurmi Jesús nirqan: <>.

2 Corintios 3:18

Librina karmi Señorninsita rikaqno kaykansi. Saymi runakuna rikamashpansi kikin Señorninsita rikaqno kaykäyan. Saynöpis Señorninsiqa Espíritu karmi waran waran yanapaykämansi kikin kashqanno noqansipis kanansipaq.

Efesios 3:10

Saynöpami Jesucristuman yärakuqkuna salvakuyaptin supaykunapis y jana pasacho kaykaq lapan angilkunapis tantiyaykäyan Tayta Dios shumaq yachayyuq kashqanta.

Filipenses 3:8

Señornï Jesucristuta reqishqämanqa manami imapis tinkunsu. Saymi nawpata rurashqäkunaman yärakunäpa trukan Jesucristumanna yärakü. Nawpata rurashqäkunaqa manami imapaqpis välimansu.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Hebreos 1:14

Saymi angilkunaqa Tayta Diospa mandun ruraqla kaykäyan. Paykunatami Tayta Dios kachamun salvash kaqkunata yanapänanpaq.

1 Pedro 1:12

Profëtakunatami Espíritu Santu tantiyasirqan paykuna kawayashqan wisan shamunanpa trukanqa shamuq watakunachöraq shamunanpaq kashqanta. Jesucristo shamushna kaptinmi kananqa jana pasapita shamuq Espíritu Santupa munayninwan Jesucristupa ali wilakuyninta wilakuykäyan. Jesucristo noqansi rayku wanur salvamashqansitami angilkunapis imanöpapis tantiyayta munaykäyan.