Éxodo 3:22 - Tayta Diospa Wilakuynin

²² Saymi warmikunapis vecïnankunata y vecïnancho taq warmi mayinkunata manakuyanqa imatapis qellaypita kaqta o qoripita kaqkunata qarayänanpaq. Saynölami wawankunata jatipäyänanpaq mödanakunatapis manakuyanqa. Saynöpami Egipto runakunapa imaykantapis apakuyanki>>.

Éxodo 3:22 ပူးပေါင်းရင်းမြစ်များ

Génesis 15:14

Sayno kaptinpis say marka runakunatami castigashaq. Nirkurnami qampita miraqkunata imaykaläya riquëzayuqta jorqamushaq.

Génesis 24:53

Nirkurnami Rebecata qararqan qoripita qellaypita rurash alhäjakunata y fïnu mödanakunatapis. Saynölami turintapis mamantapis qararqan.

Salmo 105:37

Aska qoriyuqta y aska qellayyuqtami kuyashqan runakunata jorqamurqan. Yarqayämuptin manami pipis sapata churaparqansu.

Éxodo 11:2

Kanan Israel runakunata olqutapis warmitapis yäsiy qellaypita y qoripita rurash alhäjakunata Egipto runakunata cada ünun manakuyänanpaq>>.

Proverbios 13:22

Ali runapa herencianqa hasta wilkankunapaqpis kanqami. Yaqa runapa herencianmi isanqa ali runakunapa makinman chanqa.

Isaías 33:1

¡Wawalaw, ushakäsikuq Asiria nación! Wakin nacionta atacaptikipis qamtaqa manami mayqanpis atacayäshushkankiraqsu. Juk nacionkunata traicionaptikipis qamtaqa manami mayqanpis traicionayäshushkankiraqsu. Atacayta usharkuptiki kikikitami atacayäshunki. Juk nacionkunata traicionayta usharkuptiki kikikitami traicionayäshunki.

Ezequiel 39:10

Saymi jirkakunapita yantata apayämunqanasu ni muntiman qeru mutuqpis aywayanqanasu. Saypa trukanqa shuntayashqan armakunami yantankuna kanqa. Imaykanta qechuq yaykuyaptinpis kikinkunatami qechuyanqa. Suwapäyaptinpis kikinkunatami suwapäyanqa>. Tayta Diosmi sayno nin.