Éxodo 27:2 - Tayta Diospa Wilakuynin

² Chuskun esquïnankunacho waqratano rurasinki. Say waqrakuna altarwan say piëzala kayanqa. Altarpa jananta y rurinta bronciwan enchapasinki.

Éxodo 27:2 ပူးပေါင်းရင်းမြစ်များ

1 Reyes 1:50

Adoníasnami Salomón wanusinanta mansashpan Sagrädu Tolduman qeshpiykur altarpa waqrankunapita sarikush ichiraykarqan.

1 Reyes 2:28

Sayno rurashqantami Joabtapis wilayarqan. Saymi paypis mansarishpan qeshpir Tayta Diospa toldunman amparakur saycho altarpa waqrankunata sarikush ichiraykarqan. Sayno qeshpirqan Absalónpa favornin mana sharkurpis Adoníaspa favornin sharkush karmi.

1 Reyes 8:64

Rupasina sacrificiukuna, saki mikuy ofrendakuna y ali kawakuy sacrificiukuna saysika kaptinmi Tayta Diospa nawpancho bronci altar ayparqansu rupasiyänanpaq. Saymi templu patiu chawpintapis Salomón say junaqla dedicarqan say pampacho rupasiyänanpaq.

2 Reyes 16:14

Sayno rurarkurmi broncipita rurash unay kaq altarta witisiyarqan Tayta Diospa templun nawpancho kaykashqanpita mushuq kaq altarpa norti kaqläninman.

2 Crónicas 4:1

Saynölami bronci altartapis Salomón rurasirqan. Say altarpa larguyninmi karqan esqun metru, anchuyninpis karqan esqun metru y altuyninnami karqan chusku metru pulan.

Salmo 118:27

Tayta Dioslami rasunpaypa kaq Diosqa. Paymi ali kawayta qomashkansi. Sayno kaykaptinqa altarpa waqrankunaman chashqansiyaq rämakunata aptash yaykushun.

Éxodo 27:3

Altarpa lapan manëjunkunapis broncipitami kayanqa. Say manëjukuna kayanqa uchpa shuntakuna, tenäzakuna, trinchikuna, tazonkuna y kanalakuna.

Éxodo 29:12

Yawarninman dëduykita töparkasir altarpa waqrankunata lushinki. Nirkur pusuq kaq yawarta altar chakinman talinki.

Éxodo 38:30

Say apayashqan broncipitami rurayarqan Tinkuna Toldu punkun ichiraq jorconkunapa jawiräkunanta, altarta, altarpa rejïllanta y altarpa manëjunkunatapis.

Ezequiel 43:15

Altarpa jana tumannami ishkay metru altu karqan. Chuskun esquïnankunachömi waqrankuna karqan.

Levítico 16:18

Saypita yarqurnami Tayta Diospa nawpancho kaykaq altartana purificanqa. Saychömi turïtupa yawarninwan y chïvupa yawarninwan altarpa waqrankunata lushipanqa.

Levítico 4:18

Tayta Diospa nawpancho kaykaq altarpa waqrantapis yawarwanmi lushinqa. Tinkuna Toldu patiuman yarquskirmi pusuq yawartana sacrificiuta rupasina altar chakinman talinqa.

Levítico 4:25

Cüranami pishtashqan uywapa yawarninman dëdunta jatirkur sacrificiuta rupasina altarpa waqrankunata lushinqa. Pusuq yawartanami altar chakinman talinqa.

Levítico 4:7

Saynölami inciensuwan qoshnisikuna altarpa waqrantapis yawarwan lushinqa. Tinkuna Toldu patiuman yarqurirnami pusuq yawarta sacrificiuta rupasina altar chakinman talinqa.

Levítico 8:15

Moisés pishtarqan. Altar purificash kananpaqmi yawarman dëdunta töparkasir altarpa waqrankunata lushiparqan. Pusuq yawartanami altarpa chakinman talirqan. Saynöpami altar sagräduna karqan janancho sacrificiuta rupasiyaptin jusankunapita runakuna perdonash kayänanpaq.

Zacarías 9:15

Kuyashqan runakunata lapanta mandaq Tayta Diosmi sapanqa. Sapaptinmi contrankuna warakarpis chäsiyanqasu. Saymi kuyashqan runakuna kushikuyashpan shinkash runakunanöraq büllata rurayanqa. Chikiqninkunata wanusirmi yawarninwan ushmash kayanqa. Sacrificiupaq shuntashqan yawar tazoncho junta winaraykaqno y altarpa waqrankunacho yawar pichuraykaqnömi chikiqninkunapa yawarninwan pichush kayanqa.

Números 3:31

Say chusku ayllu runakunami täpayaq Pactu Babulta, mësata, candelabruta, altarkunata, Tinkuna Sagrädu Toldu rurincho cortïnata y sagrädu manëjunkunatapis.

Hebreos 6:18

Tayta Dios juraypa promitishqanta musyar y imaypis mana lulakushqanta musyarmi promitishqanta imaypis cumplinanpaq kashqantapis musyansi. Saymi payman yärakur kushish kawansi.