Éxodo 22:23 - Tayta Diospa Wilakuynin

²³ 23 (22) Nakasiyaptiki manakayämaptinqa noqami paykunapa favornin sharkushaq.

Éxodo 22:23 ပူးပေါင်းရင်းမြစ်များ

Job 34:28

Mana kuyapaypami pobrikunatapis nakasiyan. Say pobrikuna manakuyashqanta mayarmi Tayta Dios yanapan.

Job 35:9

<

Salmo 10:14

Qam rikaykankimi pasaypa mana alikunata rurayashqanta. Paykunataqa rurayashqanman tupu castigaykulay. Pïninpis mana kaqkunaqa qammanmi yärakaykäyämun. Waksakunapa yanapaqninmi qam kaykanki.

Salmo 140:12

12 (13) Tayta Dios, musyämi pobrita yanapar justiciata rurashqaykita. Pobrikunapa favorninmi sharkunki.

Salmo 145:19

Payta mansapakuqkunataqa imata munayashqantapis kamaripanmi. Ausiliuta manakuyaptinqa juklami salvan.

Salmo 18:6

6 (7) Wanunäpaqna kashqäta yarparmi Tayta Diosta manakurqä. Yanapämänanpaqmi Diosnïta ruwakurqä. Ruwakuptïmi templunpita pasa wiyamarqan. Seqaypa lakikur manakushqätami wiyamarqan.

Salmo 68:5

5 (6) Tayta Diosqa sagrädu templunchömi taykan. Paymi waksakunapa papänin kaykan. Paymi viüdakunapa favornin sharkun.

Éxodo 22:27

27 (26) Say prenda kachapäyäshushqayki mödanalanmi sakay punur pitukunanpaq kaykan. Mana kutisiptikiqa ¿imanwanraq pununqa? Aläsikur manakamaptin kuyapäkuq kashpämi favornin sharkushaq.

Lamentaciones 5:3

Taytaynaq waksa wamrakunanölami kaykäyä. Mamäkunapis pïninpis mana kaq viüdanömi rikakuyash.

Lucas 18:7

¿Manasuraq Tayta Diospis akrashqankunata yanapanqa paqasta junaqta manakuyaptin? Mana shuyaräsiylapami yanapanqa.

Deuteronomio 10:18

Waksatapis viüdatapis pay kuyapanmi. Saynölami qamkunacho taq jäpa runakunata kuyapar mikuytapis mödanatapis kamaripan.

Deuteronomio 15:9

Jaqakunata perdonayänan wata chämunanpaq kashqantana tantiyar ama yarpäyankisu manana prestayänaykipaq kashqanta, saypa trukanqa manakuyäshuptiki prestayanki. Mana prestayaptikiqa nisidächo kaykaq runa Tayta Diosman quejakuptin jusayuqmi rikakuyanki.

Deuteronomio 24:15

Say tardila pägayanki mikuyninta rantipakunanpaq. Mana pägayaptikiqa Tayta Diosta quejakuptin castigayäshunkimi.

Santiago 5:4

Mana pägaypa arusiyashqaykipitami minkaynikikuna Tayta Diosta waqapaykäyan. Paykuna manakuyashqanta lapanta mandaq Tayta Dios wiyashnami.