Éxodo 2:15 - Tayta Diospa Wilakuynin

¹⁵ Egipto runata wanusishqanta Faraón musyaykurmi Moisésta wanusinanpaq ashisirqan. Saymi Moisés qeshpir Madiánpa aywakurqan. Chaykurmi pözu nawpanman jamaykurqan.

Éxodo 2:15 ပူးပေါင်းရင်းမြစ်များ

Génesis 24:11

Inti jeqaykaptinnami marka yaykunaman Abrahampa ashmaynin chaykur camëllukunata pözu nawpanman qonqurpakasirqan. Say hörami jipashkuna pözuman yakukuq aywayaq.

Génesis 25:2

Say warmichöpis Abrahampa surinkuna kayarqan Zimram, Jocsán, Medán, Madián, Isbac y Súa.

Génesis 25:4

Madiánpa surinkunanami kayarqan Efa, Efer, Hanoc, Abida y Elda. Paykunami Ceturapita miraqkuna kayarqan.

Génesis 29:2

Say jirkachömi pözuta rikarqan. Say pözupa lädunchömi kimsa majäda uyshakuna y cabrakuna kaykäyarqan. Lapan uywakunapis say pözupitaraqmi yakuta upuyaq. Say pözutaqa jatunkaray läja rumimi saparaykarqan.

1 Reyes 11:18

Madián nacioncho kaykäyashqanpita Egiptupa aywakurmi chäyarqan Parán partiman. Saypitanami mas runakuna paykunata qatikuyarqan. Saymi paykunawan aywar Egiptuman chaykushpan rey Faraón kaqman aywayarqan. Chaykuyaptinmi Faraónqa wayikunata y chakrakunata rikasirqan saycho täyänanpaq. Saynölami mikuytapis kamariparqan.

Éxodo 18:4

Jukaqpanami jutin karqan Eliezer. Say jutita churaparmi nirqan: <>.

Éxodo 4:19

Madiánpita manaraq aywaptinmi Moisésta Tayta Dios nirqan: <>.

Proverbios 22:3

Shumaq yarpachakuq runaqa ima peligrupitapis cuidakunmi. Mana yarpachakuq runami isanqa desgraciaman chan.

Habacuc 3:7

Cusáncho taq runakunata pasaypa desgraciacho kaykaqtami rikashkä. Madiáncho taq runakunata pasaypa mansarir suksukyaykäyaqtami rikashkä.

Mateo 10:23

Juk markacho chikiyäshuptiki juk markaman qeshpikuyanki. Rasunpami nï: Israelcho lapan markakunapa purir manaraq ushayaptikimi Runapa Surin kutimunqa.

Juan 4:6

Saychömi kaykan Jacob uchkusishqan pözu. Pulan junaqnöna kaykaptinmi say pözuman chaykur Jesús utikash jamaskirqan.

Hechos 7:29

Sayno niptinshi Madián partiman Moisés qeshpiskir qorpanöla saycho tänaq. Saychöshi ishkay olqu surinkuna yuriyänaq.

Hebreos 11:27

Tayta Diosman Moisés yärakurmi Faraónta mana mansaypa Tayta Diosta rikaykaqno Egiptupita aywakurqan.