Éxodo 15:7 - Tayta Diospa Wilakuynin

⁷ Lapanpaq munayyuq kashpaykimi contraykikunata ushakäsishkanki. Fiyupa rabyakuptikimi saki oqsha rupaqnöpis paykuna ushakäyash.

Éxodo 15:7 ပူးပေါင်းရင်းမြစ်များ

Job 9:4

Tayta Diosqa yachaqmi y lapanpaq munayyuqmi. ¿Piraq upälasiyta munar payta ichipanman?

Salmo 148:13

Tayta Diosta alabayay. Paymanqa manami pipis tinkunsu. Kay pasacho kaqkunapitapis y jana pasacho kaqkunapitapis mas munayyuqmi kaykan.

Salmo 59:13

13 (14) Rabyashpayki chipyaq ushakaykasilay. Paykunataqa jukla elaqaykasilay. Saynöpami pïmaypis musyayanqa Jacobpita miraqkunacho y maysay nacionchöpis rey kashqaykita. Selah

Salmo 68:33

33 (34) Tayta Diosqa loqashqami jana pasapa purin. Parlamushqanpis maysaymanmi wiyakämun.

Salmo 83:13

13 (14) Tayta Diosnilä, shukukuy wayra imaykatapis ushashqanno conträ sharkuq runakunata ushakaykasilay. Wayra apashqan saki punshano kaykuyäläsun.

Éxodo 14:27

Niptinmi lamar jananpa makinta Moisés joqarirqan. Saymi pasa waraptinna kashqanman yaku kutir Egipto runakuna qeshpiykäyaqta ultaskirqan. Saynöpami lamar chawpincho Egipto runakunata Tayta Dios ushakäsirqan.

Éxodo 5:12

Saymi Israel runakuna intëru Egiptupa mashtakäyarqan päjapa trukan punshata shuntayashpan.

Éxodo 9:16

Sayno kaptinpis maysaycho taq runakuna munayyuq kashqäta musyayänanpaqmi qamta ushakäsishkäsu.

Isaías 37:17

Manakamushqäta wiyaykalämay, Tayta Dios. Imano kayashqätapis rikaykulay. Senaquerib kachamushqan capitán manakaqman churashushqaykita ama qonqaykulaysu.

Isaías 37:23

¿Imanirtaq manakaqman churamar ashlimashkanki? ¿Imanirtaq conträ parlashkanki? ¿Imanirtaq yuraq nawilaykipa rikapämashkanki? ¿Manaku musyanki Israel runakunapa santu Diosnin kashqäta?

Isaías 37:29

Conträ sharkur fiyupa olqushqaykipitami senqaykiman arguëllata churashaq. Shimikimanpis frënutami churashaq. Nirkurmi shamushqayki nänilapa kutisishayki> >>.

Isaías 37:36

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.

Isaías 37:38

Juk junaq diosnin Nisrocpa templuncho Senaquerib adoraykaptinmi surinkuna Adramelecwan Sarezer yaykuykur espädankunawan wanuskasiyarqan. Nirkurnami qeshpir Ararat partiman aywakuyarqan. Senaqueribpa trukannami surin Esar-hadónna rey kayman yaykurqan.

Isaías 47:14

<

Isaías 5:16

Pïmaymi musyanqa lapanta mandaq Tayta Dios jusaynaq santu kashqanta.

Isaías 5:24

Lapanta mandaq Tayta Diospa leyninkunata manami cäsuyansu. Israel runakunapa santu Diosninpa palabranta manakaqmanmi churayan. Saymi saki höjakunata laqwaypa laqwar nina rupaqno Tayta Dios paykunata ushakäsinqa. Saynöpis saki oqshaman nina sarikurkuqnömi ushakäsinqa. Jaqwan ismush jacha ushakashqanno y waytan shushur alpaman tikrashqannömi ushakäyanqa.

Jeremías 10:6

Tayta Dios, qamnöqa manami pipis kansu. Qamqa lapanpaq munayyuqmi kaykanki.

Miqueas 4:11

Kananqa aska nación runakunami shuntakaykur contrayki sharkuyash. Paykuna wilanakurmi nikäyan: <<¡Sión marka ushakaykaqta rikar kushipäshun!>>

Zacarías 14:3

Sayno ruraykäyaptinmi kikin Tayta Dios pelyanqa say nacionkunawan. Israel runakunata unay yanapar pelyashqannömi say nacionkunawan pelyanqa.

Zacarías 14:8

Say wisanqa usya tiempupis y tamya tiempupis chuya yakumi Jerusalénpita yarqamunqa. Pulan yakumi chanqa inti jeqamunan kaqlä lamaryaq. Pulan yakunami chanqa inti jeqanan kaqlä lamaryaq.

Zacarías 2:8

8 (12) Lapanta mandaq Tayta Diosmi kachamash imaykitapis apakuq nacionkunata kayno wilanäpaq: <

Malaquías 4:1

1 (3.19) Lapanta mandaq Tayta Diosmi nin: <

Mateo 3:12

Trïguta wayrananpaq jurquëtan aptashnami kaykan. Wayraskirnami trïguta wayinman churanqa. Punshantanami imaypis mana upiq ninaman qaykunqa>>.

Hechos 9:4

Sayno asikyapaykamuptinmi pasaman Saulo tunir wiyarqan <> nimuqta.

Deuteronomio 33:26

<

Deuteronomio 4:24

Tayta Diosqa pay japalanta sirvinansitami munan. Mana cäsukuqkunataqa nina rupar ushashqannömi ushakäsinqa.

Hebreos 12:29

Imatapis nina rupar ushashqannömi mana wiyakuqkunataqa Tayta Diosninsi ushakäsinqa.