Ester 9:4 - Tayta Diospa Wilakuynin

⁴ Reypa palaciuncho wakinpita mas respitash kaptinmi Mardoqueuta mansapakuyarqan. Munayyuq kashqanqa maysay provinciakunachömi mayakarqan. Saymi Mardoqueutaqa waranlan waranlan pïmaypis respitayarqan.

Ester 9:4 ပူးပေါင်းရင်းမြစ်များ

2 Samuel 3:1

Saúlpa soldädunkunawan Davidpa soldädunkuna aska watami atacanakur guërracho kayarqan. Sayno pelyar Davidpa soldädunkuna vinciyaptinmi Saúlpa soldädunkuna walkayaykäyarqanna.

1 Crónicas 11:9

Lapanta mandaq Tayta Dios yanapaptinmi David mas munayyuq rikakurqan.

1 Crónicas 14:17

Filisteo runakunata David sayno ushakäsishqanta maysaychömi musyakarqan. Saypita pasami maysay nacioncho taq runakuna Davidta mansayarqan.

Ester 10:2

Rey Asuero lapan rurashqankunaqa juk libruchömi qelqaraykan. Saynölami Mardoqueo lapan rurashqankunapis say librucho qelqaraykan. Say librulachömi qelqaraykan Mediacho y Persiacho mandashqan reykuna rurayashqankunapis.

Salmo 1:3

Say runaqa kaykan mayu kuchuncho plantash jachanömi, tiempun chämuptin ali wayuq jachanömi, y raprankunapis mana qarwashtaypa loqluypa loqluykaqnömi. Lapan rurashqankunapis alimi yarqapan.

Salmo 18:43

43 (44) Israel nacioncho conträ sharkuyaptinpis qammi salvamashkanki. Juk nacionkunapa mandaqnin kanäpaqmi churamashkanki. Jäpa runakunami kanan sirviykäyäman.

Salmo 92:13

13 (14) Tayta Diospa wayinchömi imaypis paykuna kaykäyan. Templu patiucho kuyaylapaq waytakunanömi kaykäyan.

Éxodo 11:3

Tayta Diosmi Egipto runakunapa yarpayninman churarqan Israel runakunata ali rikayänanpaq. Saynölami Faraónpa mandäsiqninkunawan wakin Egipto runakunapis yarpäyarqan Moisés imaykapaqpis munayyuq kashqanta.

Proverbios 4:18

Alita ruraq runakuna kawayashqanqa pasa waraptin asikyashqannömi kaykan. Pasa waraylanta mas asikyashqannömi say runakunapis waranlanta waranlanta kuyaypaq munaypaq kawayan.

Isaías 9:7

7 (6) Rey David jamashqan trönuman jamaykurmi imayyaqpis mandamäshun. Munaynincho kashpansimi imaypis ali kawashun. Tayta Dios munashqannöla mandarmi ali kaqlata imaypis ruranqa. Lapanta mandaq Tayta Dios kuyamashpansimi sayno kananpaq kamakäsinqa.

Sofonías 3:19

Say wisanqa nakasishuqnikikunata kikïmi ushakäsishaq. Nirkurmi oqrakash uyshata shuntaqno maysaypitapis shuntayämushayki. Pakikush uyshata jampiqnömi jampiyäshayki. Manami pipis jamuraykäyäshunkipaqnasu. Saypa trukanqa yanapäyäshayki maysaychöpis respitash y alabash kayänaykipaqmi.

Mateo 4:24

Saytami Siria nación markakunachöpis musyayarqan. Saymi paykunapis Jesús kaqman apayarqan tukuy niraq qeshyawan qeshyaykaqkunata, supay nakasishqan runakunata, wanuy qeshyawan nakaqkunata y pulan cuerpun wanush runakunatapis. Say qeshyaqkunata lapantami Jesús aliyäsirqan.

Josué 6:27

Josuéta Tayta Dios yanapashqan maysaychöpis musyakarqanmi.

1 Samuel 2:30

<