Ester 8:14 - Tayta Diospa Wilakuynin

¹⁴ Rey mandaptinmi ordinta apaqkuna alinnin cawallukunata loqakurkur jukla aywayarqan. Saynölami Susa markachöpis musyasiyarqan say ordincho imata nishqantapis.

Ester 8:14 ပူးပေါင်းရင်းမြစ်များ

1 Reyes 4:28

28 (5.8) Saynömi turnun chämuptin carrëtata sutaq cawallukunapaq y wakin cawallukunapaqpis cebädata y punshata apayaq.

2 Crónicas 30:6

Saymi rey y autoridäkuna qelqayashqan cartata apakurkur kachakuna aywayarqan Israel runakuna y Judá runakuna täyashqan markakunaman. Cartakunata chäsirmi liyipäyarqan kayno nishqanta: <

Nehemías 1:1

Kay libruchömi qelqaraykan Hacalíaspa surin Nehemías rurashqankuna. Artajerjes ishkay chunka (20) watana Persia nacionpa mandaqnin rey kaykaptinmi Quisleu killacho noqa Nehemías Susa markacho kaykarqä.

Ester 1:2

Rey Asueruqa Susa markapitami lapan say provinciakunata mandarqan.

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Ester 3:13

Say qelqayashqan ordintami maysay mandashqan provinciakunaman apasirqan. Say ordinchömi nirqan juk junaqlacho awkintapis, maqtatapis, wamratapis, warmitapis lapan Israel runakunata wanusiyänanpaq. Saynöpis nirqan wanusiyashqan Israel runakunapa lapan imaykantapis apakuyänanpaq. Sayno wanusiyänanpaq jitapashqan junaqmi karqan chunka ishkay kaq killacho kimsa kaq junaq. Say killapa jutinmi karqan Adar.

Ester 3:14

Say nishqanta cumpliyänanpaqmi maysaymanpis ordinta apasiyarqan. Saymi rey mandashqan lapan provinciakunacho y markakunachöpis musyayarqan. Saynöpami maysaychöpis runakuna kamarikuyarqan jitapashqan junaq Israel runakunata wanusiyänanpaq.

Ester 3:15

Ordinta apayänanpaq rey niptinmi kachashqan runakuna jukla aywayarqan. Saynölami Susa markachöpis say ordincho nishqanta lapan runakuna musyaykur pasaypa mansakäyarqan. Rey Asueruwan Amánmi isanqa kushikuyashpan upyayarqan.

Ester 8:13

Saynöpis say ordincho qelqararqan maysay markachöpis y provinciachöpis Israel runakuna puestukuykur atacaqninkunata say junaq wanusiyänanpaqmi.

Ester 8:15

Mardoqueuqa palaciupita yarqamurqan azulwan yuraq sotänan jatish, qori corönan jatish y granäti lïnu cäpan jatishqami. Rikaykurmi Susacho taq runakuna lapanpis kushikushpan büllata rurayarqan.

Eclesiastés 9:10

Sayno kaptinqa lapantapis kushish ruranki. Wanuskirnaqa manami imatapis rurankinasu, yachankinasu ni musyankinasu.

Daniel 8:2

Say revelacionchömi kaykarqä Elam provinciacho kaykaq Susa markacho y Ulai mayu kuchuncho.

1 Samuel 21:8

8 (9) Nirkurmi Ahimelecta David nirqan: <<¿Lanzayki o espädayki kanku manamänaykipaq? Rey Saúl elaqpita kachamaptinmi tiempü kashnasu espädata ni armäta apamunäpaqpis>>.