Ester 2:5 - Tayta Diospa Wilakuynin

⁵ Susa markachömi Israel runa Jairpa surin Mardoqueo tarqan. Jairpa taytanmi karqan Simei. Simeipa taytanmi karqan Cis. Paykunaqa Benjamín trïbu runakunami kayarqan.

Ester 2:5 ပူးပေါင်းရင်းမြစ်များ

2 Samuel 16:5

Saypitanami Bahurim markaman David chaptin Saúl ayllu runa Gerapa surin Simei tinkuparqan Davidta imaykata qayapashpan.

2 Reyes 24:12

Pelyayta mana valurarmi rey Joaquínpis, mamanpis, mandäsiqninkunapis, soldädunkunapa capitanninkunapis y yäsiqnin runakunapis rey Nabucodonosorpa munayninman churakäyarqan. Sayno päsarqan Nabucodonosor puwaq watana Babilonia nacionpa mandaqnin rey kaykaptinmi.

2 Reyes 24:15

Saynölami Babiloniaman prësu apakurqan rey Joaquínta, mamanta, warminkunata, capitanninkunata y Judá nacioncho taq lapan yachaq runakunatapis.

Ester 1:2

Rey Asueruqa Susa markapitami lapan say provinciakunata mandarqan.

Ester 10:3

Mardoqueutami rey Asuero churarqan lapan mandäsiqninkunapitapis mas munayyuq kananpaq. Saynöpis favornin sharkushqanpitami Mardoqueuta Israel mayinkuna maysaychöpis respitayaq.

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Ester 2:4

Paykunapitami mayqan jipashtapis kuyaylapaq kaqta akranki Vastipa trukan reina kananpaq>>. Sayno niyaptinmi rey Asuero kushikur yäsiyashqannöla jipashkunata shuntayämunanpaq nirqan.

Ester 5:1

Saypita kimsa junaqtanami Esterqa reina kay mödananta jatikurkur aywarqan rey Asuerupa palaciun ruri kaq patiuman. Say patiuqa rey jamarashqan trönun frentinchömi karqan. Chaykurmi shuyaraykarqan rey qayananta.

1 Samuel 9:1

Benjamín trïbupitami respitash runa karqan Cis jutiyuq. Cispa taytanmi karqan Abiel. Abielpa taytanmi karqan Zeror. Zerorpa taytanmi karqan Becorat. Becoratpa taytannami karqan Afía.