Ester 2:16 - Tayta Diospa Wilakuynin

¹⁶ Saymi qanchis watana rey kaykaptin chunka kaq killacho Esterta pushayarqan rey Asuero kaqman. Say killapa jutinmi kaykan Tebet.

Ester 2:16 ပူးပေါင်းရင်းမြစ်များ

Esdras 4:6

Persia nacioncho rey Asuero mandayta qalaykushqan wisanpis Judácho taq runakunata y Jerusaléncho taq runakunata desanimasiyänanpaq manakaqkunata jitaparmi reyman cartata apasiyarqan.

Esdras 7:8

Rey Artajerjes qanchis watana rey kaykaptinmi pisqa kaq killacho Jerusalénman Esdras charqan.

Ester 2:1

Rabyanaynin päsaskiptinnami rey Asueruqa warmin Vastipaq seqaypa lakikurqan. Saynöpis lakikurqan nawpanman mana kutinanpaq juk leyta rurashqanpita.

Ester 2:15

Saypitanami Mardoqueupa prïma panin Esterta töcarqan rey Asuerupa nawpanman aywananpaq. Esterqa Abihailpa surinmi karqan. Sayno töcaptinmi mas kamaraqla kananpaq Esterqa jatikurqan eunucu Hegai yäsishqan kaqkunalata. Shakya kaptinmi Estertaqa lapanpis kuyayaq.

Ester 2:17

Esterta rikaykurmi rey Asueruqa pasaypa kuyakurkurqan. Paytanöqa manami mayqan jipashtapis kuyarqansu. Saymi Estertana Vastipa trukan reina kananpaq corönata jatiparqan.

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Ester 8:9

Rey Asuero sayno nirmi secretariunkunata jukla qayasirqan. Say junaq karqan kimsa killacho ishkay chunka kimsa (23) junaqmi. Kimsa kaq killapa jutinmi karqan Siván. Secretariunkuna chämuptinmi Mardoqueo say ordinta qelqasirqan Israel runakunapaq, reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Saynöpami say órden karqan rey Asuero mandashqan pachak ishkay chunka qanchis (127) provinciakunacho taq autoridäkunapaq. Say provinciakuna kayarqan India nacionpita qalaykur Etiopía nacionyaqmi. Pïmaypis tantiyananpaqmi ordinta qelqayarqan rey mandashqan lapan provinciakunacho taq runakuna parlayashqan idiömakunacho y imanöpis qelqayashqan estïluncho. Saynölami qelqayarqan Israel runakuna parlayashqan idiömacho y qelqayashqan estïluncho.