Ester 2:15 - Tayta Diospa Wilakuynin

¹⁵ Saypitanami Mardoqueupa prïma panin Esterta töcarqan rey Asuerupa nawpanman aywananpaq. Esterqa Abihailpa surinmi karqan. Sayno töcaptinmi mas kamaraqla kananpaq Esterqa jatikurqan eunucu Hegai yäsishqan kaqkunalata. Shakya kaptinmi Estertaqa lapanpis kuyayaq.

Ester 2:15 ပူးပေါင်းရင်းမြစ်များ

Ester 2:14

Rey Asueruwan punushqanpita waraynin tutanami reypa concubïnankuna täyashqan kaq cuartukunamanna jipash aywaq. Saychömi Saasgaz jutiyuq eunucu runana paykunata atiendiq. Payqa rey yärakushqan runami karqan. Saypita mayqan jipashpis manami kutiqsu rey Asuero mana qayasiptinqa. Kuyashqan kaqlatami mayqan jipashtapis qayasiq.

Ester 2:16

Saymi qanchis watana rey kaykaptin chunka kaq killacho Esterta pushayarqan rey Asuero kaqman. Say killapa jutinmi kaykan Tebet.

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Ester 8:1

Israel runakunapa contran Amánta wanusishqan junaqmi rey Asuero Esterta qoykurqan Amánpa wayinkunata, chakrankunata, uywankunata y imaykankunatapis. Mardoqueo prïmun kashqanta Ester wilaptinmi rey Asuero Mardoqueuta qayasirqan.

Ester 9:29

Saypitanami say cartacho nishqanno Abihailpa surin reina Esterwan Mardoqueo mas juk cartatapis Purim fiestata rurayänanpaq qelqayarqan.

Proverbios 15:33

Tayta Diosta mansapakuq runaqa tantiyakuqmi kaykan. Respitash kayta munarqa humildi kasun.

Cantares 6:9

kuyashqä palumalämi lapanpitapis mas kuyaylapaqqa. Paytami mamanpis pasaypa kuyan. Jipashkunapis rikayashpanmi kuyaylapaq kashqanpita felicitayan. Reypa warminkunapis y concubïnankunapis ali warmi kashqantami parlayan.

Cantares 8:10

Noqaqa murällanömi kaykä. Chuchükunapis rikachakuna törrikunanömi. Kuyaynïpa nawpanchöqa pasaypa kushishqami kaykä.

Hechos 7:10

imayka desgraciapitapis salvanaq. Tantiyakuq kananpaq yanapaptinshi Egipto nacionpa mandaqnin Faraón payta churanaq palaciuncho aruqkunata mandananpaq y Egipto naciontapis mandäsinanpaq.