Ester 10:2 - Tayta Diospa Wilakuynin

² Rey Asuero lapan rurashqankunaqa juk libruchömi qelqaraykan. Saynölami Mardoqueo lapan rurashqankunapis say librucho qelqaraykan. Say librulachömi qelqaraykan Mediacho y Persiacho mandashqan reykuna rurayashqankunapis.

Ester 10:2 ပူးပေါင်းရင်းမြစ်များ

1 Reyes 11:41

Rey Salomón rurashqankuna y yachaq kashqanpis qelqaraykan Salomónpa vïdanta qelqayashqan libruchömi.

1 Reyes 14:19

Jeroboam guërrata rurashqankuna y Israel runakunata lapan mandashqankunapis Israel nacionpa mandaqnin reykunapa acta librunchömi qelqaraykan.

1 Reyes 22:39

Acab rurashqankuna, marfilwan adornashqan palaciuta sharkasishqan y markakunata sharkasishqankunapis lapanmi qelqaraykan Israel nacionpa mandaqnin reykunapa acta libruncho.

Ester 2:23

Sayno wilanakuyashqanta shumaq musyaykurnami rey Asueruqa say ishkay runakunata wanuykasir ayanta qeruman tuyrisirqan. Nirkurmi Mardoqueo sayno wilakushqanta qelqasirqan acta libruman.

Ester 6:1

Say sakay rey Asuero punuyta mana tarirmi yanapaqninkunata nirqan mandashqan nacioncho ima päsashqantapis qelqayashqan libruta apaykamur liyipäyänanpaq.

Ester 8:15

Mardoqueuqa palaciupita yarqamurqan azulwan yuraq sotänan jatish, qori corönan jatish y granäti lïnu cäpan jatishqami. Rikaykurmi Susacho taq runakuna lapanpis kushikushpan büllata rurayarqan.

Ester 8:2

Chaptinmi Amánpita shuntashqan sëllakunan sortïjata jatiparqan. Saynölami Amánpa imaykankunatapis chaskishqanta Esterqa Mardoqueupa makinman churarqan.

Ester 9:4

Reypa palaciuncho wakinpita mas respitash kaptinmi Mardoqueuta mansapakuyarqan. Munayyuq kashqanqa maysay provinciakunachömi mayakarqan. Saymi Mardoqueutaqa waranlan waranlan pïmaypis respitayarqan.

Salmo 18:35

35 (36) Qammi escüdü kar imapitapis sapämar salvamashkanki. Aluq kaq makikiwanmi sararämashkanki. Kuyapämarmi lapanchöpis yanapämashkanki.

Daniel 2:48

Saypitanami imaykatapis qararkur Danielta rey churarqan intëru Babilonia provinciacho gobernador kananpaq. Saynöpis yachaq runakunapa mandaqnin kananpaqmi churarqan.