Esdras 7:9 - Tayta Diospa Wilakuynin

⁹ Paymi Babiloniapita yarqamurqan wata qalaykunan punta kaq killa punta kaq junaqcho. Jerusalénman charqan pisqa kaq killacho punta kaq junaqmi. Kuyapäkuq Tayta Dios yanapaptinmi jawkala charqan.

Esdras 7:9 ပူးပေါင်းရင်းမြစ်များ

Esdras 7:28

Saynöpis agradëcikü kuyapämashpayki reytapis, yäsiqninkunatapis y mandäsiqninkunatapis yanapäyämänanpaq yarpayta qoshqaykipitami. Sayno yanapämaptikimi Israel mayor runakunata shuntashkä Jerusalénman aywayänäpaq>>.

Esdras 7:6

Esdrasqa Moisés chaskishqan leykunata alimi yacharqan. Say leykunatami Israel runakunata kuyaq Tayta Dios Moisésta entregarqan. Esdrasta Tayta Dios yanapaptinmi rey Artajerjes lapan manakushqanta kamariparqan Babiloniapita Jerusalénman aywananpaq.

Esdras 7:8

Rey Artajerjes qanchis watana rey kaykaptinmi pisqa kaq killacho Jerusalénman Esdras charqan.

Esdras 8:18

Chaykur yäsishqäno ruwakuyaptinmi Serebíasta, surinkunata y wawqinkunata kachayämurqan. Paykunami kayarqan chunka puwaq runakuna. Serebíasqa imaykatapis yachaq runami kaykan. Payqa Levípa surin Mahli ayllu runami kaykan. Kuyapäkuq Tayta Diosninsitami agradëcikü sayno kachamushqanpita.

Esdras 8:22

Suwakunapita sapämänansipaq soldädunsikunapis manami kansu. Reytapis maynami kayno nishkä: . Reyta sayno nish karmi penqakü cawallun loqash soldädunkunawan yanapämänansipaq manakuyta>>.

Esdras 8:31

Punta kaq killa chunka ishkay junaqchömi Ahava mayu kuchuncho shuntaraykäyashqäpita Jerusalénpa shayämurqä. Shayämuptïmi Tayta Diosninsi sapäyämarqan chikimaqnïkunapita y asaltantikunapitapis.

Esdras 8:32

Jerusalénman chaykamurmi kimsa junaq jamayarqä.

Nehemías 2:18

Saychömi paykunata wilaparqä Tayta Dios kuyapämar yanapämashqanta y rey imata nimashqantapis. Sayno wilaptïmi niyämarqan jukla yapay sharkasiyänäpaq. Saymi lapäkuna aruyänäpaq shakyäsinakuyarqä.

Nehemías 2:8

Saynöpis muntikita täpaq Asafpaq cartata rurapaykalämay qeruta kamaripämänanpaq. Say qeruta nistäshaq templu punkukunapaq, marka murälla punkukunapaq y tänäpaq kaq wayita rurasinäpaqmi>>. Sayno manakuptïmi kuyapäkuq Tayta Dios yanapämarqan rey awnimänanpaq.

Salmo 80:18

18 (19) Noqakunaqa qammanmi imaypis yärakayämushaq. Salvayämaptikimi jutikita joqarir imaypis alabayäshayki.

Isaías 66:14

Sayno kaykaqta rikayashpayki seqaypami kushikuyanki. Tamya wisan qewa loqlushqannöraqmi qamkunapis saycho täyashpayki sänu kawayanki. Sirviqninkunataqa Tayta Dios saycho yanapanqami. Chikiqninkunatami isanqa ajanashpan llëvasinqa.