Esdras 7:15 - Tayta Diospa Wilakuynin

¹⁵ Yäsimaqnïkunawan shuntayashqä qellayta y qorita Jerusalénman aywar apanki. Lapan voluntänïkunawanmi saykunata shuntayashkä Jerusaléncho taykaq Diosnikipaq.

Esdras 7:15 ပူးပေါင်းရင်းမြစ်များ

1 Crónicas 29:6

Sayno niptinmi cada ayllupa y cada trïbupa mandaqninkuna, waranqa (1,000) soldädukunapa capitanninkuna, pachak (100) soldädukunapa capitanninkuna y David arusishqan runakunapa capatazninkunapis apayämunanpaq kushish promitiyarqan.

2 Crónicas 2:6

6 (5) Jana pasapis sayjinanpa sikankaray kaykarpis Tayta Dios tänanpaq mana aypaykaptinqa ¡ima tamäñutaraq wayinta sharkasishaq! Sayno kaykaptinqa noqa ¡pitaq kä wayinta sharkasinäpaq! Imano kaptinpis nawpancho inciensuwan qoshnisiyänaläpaqpis sharkasishaqmi.

2 Crónicas 32:23

Saypita pasami Judá nacionpa mandaqnin rey Ezequías maysay nacionkunachöpis respitash karqan. Saymi aska runakuna rey Ezequíaspaq regälukunata Jerusalénman apayarqan y Tayta Diospaqpis ofrendakunata apayarqan.

2 Crónicas 6:2

Sayno kaptinpis kananqa templuta sharkasipashkä imayyaqpis saycho tänaykipaqmi>>.

2 Crónicas 6:6

Saypitanami isanqa Jerusalénta akrashkä saycho tänäpaq. Saynöpis qamtami akrashkä Israel runakunapa mandaqnin rey kanaykipaq>.

Esdras 1:6

Aywayaptinmi lapan vecïnunkuna yanapäyarqan qellaywan, qoriwan, mikuykunawan, uywakunawan, chanin kuyaylapaq kaqkunawan y ofrendakunawanpis.

Esdras 6:12

Tayta Diosmi Jerusalénta akrash saycho tänanpaq. Sayno kaykaptinqa mayqan nacionpa mandaqnin reytapis sapata churapaq kaqtaqa Tayta Dios ushakäsisun. Noqa Daríumi rey kar sayno kananpaq ordenä. Nishqänöla lapantapis rurayanki.

Esdras 6:4

Cada kimsa fïla jatusaq laqlash rumikunawan perqarkur juk fïlaqa alinnin mushuq tablakunawan entablasiyay. Lapan gastukunapaqqa tesorërümi qellayta sararanqa.

Esdras 7:14

Noqami qanchis yäsimaqnïkunawan Judáman y Jerusalénman qamta kachaykä Diosnikipa leyninkunata saycho cumplisinaykipaq.

Esdras 8:25

Paykunatami pësaparqä qellayta, qorita y manëjukunatapis. Saykunatami reypis, yäsiqninkunapis, mandäsiqninkunapis y Babiloniacho taq lapan Israel runakunapis Tayta Diosninsipa templunpaq kamaripäyämarqan.

Salmo 135:21

Siónpita pasa Tayta Dios alabash kaykuläsun. Paymi Jerusaléncho taykan. ¡Aleluya!

Salmo 26:8

Täkunayki wayikitapis kuyämi, Tayta Dios. Say wayikichömi munayyuq kashqaykita tantiyä.

Salmo 72:10

Maysay nacionpitapis reykuna shamur qaraykunata apayämusun. Tarsis nacionpita, lamar simpancho kaykaq nacionkunapita, Sabá nacionpita y Seba nacionpitapis qaraykunata apakurkur shayämusun.

Salmo 76:11

11 (12) Tayta Diosninsita promitishqaykita imaypis cumpliyay. Vecïnunsi nacionkunapis paypaq ofrendakunata apayämusun. Payqa mansariypaqmi castigan.

Salmo 76:2

2 (3) Jerusalénchömi templun kaykan. Sión lömachömi pay tan.

Salmo 9:11

11 (12) Sióncho taykaq Tayta Diosta alabashun. Yanapaykämashqansita maysay nacionkunachöpis wilakushun.