Esdras 6:3 - Tayta Diospa Wilakuynin

³ Persia nacionpa mandaqnin rey Ciro juk watana mandaq kaykarmi kayno ordenarqan: Tayta Diospaq sacrificiukunata rupasiyänaykipaq cimientuta shumaq churaykur Jerusaléncho Tayta Diospa templunta yapay sharkasiyay. Say templupa altuyninpis anchuyninpis ishkay chunka qanchis (27) metru kasun.

Esdras 6:3 ပူးပေါင်းရင်းမြစ်များ

2 Crónicas 2:3

3 (2) Nirkurnami Tiro nacionpa mandaqnin rey Hiramman runakunata Salomón kacharqan. Paykuna chaykurmi niyarqan: <

2 Crónicas 2:6

6 (5) Jana pasapis sayjinanpa sikankaray kaykarpis Tayta Dios tänanpaq mana aypaykaptinqa ¡ima tamäñutaraq wayinta sharkasishaq! Sayno kaykaptinqa noqa ¡pitaq kä wayinta sharkasinäpaq! Imano kaptinpis nawpancho inciensuwan qoshnisiyänaläpaqpis sharkasishaqmi.

2 Crónicas 36:22

Persia nacioncho Ciro rey kayta qalaykushqan watami Ciruta Tayta Dios yarpayta qorqan Israel runakunata nacionninman kutisinanpaq. Sayno kutisiptinmi profëta Jeremías wilakushqannöla cumplikarqan. Saymi Ciruqa shimipapis y cartapapis intëru mandashqan nacionpa wilakasirqan:

Esdras 1:1

Persia nacioncho Ciro rey kayta qalaykushqan watami Ciruta Tayta Dios yarpayta qorqan Israel runakunata nacionninman kutisinanpaq. Sayno kutisiptinmi profëta Jeremías wilakushqannöla cumplikarqan. Saymi Ciruqa shimipapis y cartapapis intëru mandashqan nacionpa wilakasirqan:

Esdras 1:2

<

Esdras 3:7

Saypitanami templuta sharkasiyänanpaq albañilkunata y carpintërukunata pägayarqan. Tiro y Sidón runakunatapis mikuywan, aceitiwan y vïnuwan pägayaptinmi lamar janalanpa Líbano nacionpita Jope markayaq cedru qerukunata apapäyämurqan. Israel runakuna lapanta rurayarqan Persia nacionpa mandaqnin rey Ciro mandashqannölami.

Esdras 6:14

Saymi Israel mayor runakuna Tayta Dios nishqannöla templu rurasiyta ushayarqan. Saynöpami profëta Hageo y Iddupa surin profëta Zacarías wilakuyashqan cumplikarqan. Saynölami cumplikarqan Persia nacionpa mandaqninkuna rey Ciro, rey Darío y rey Artajerjes ordenayashqanpis.

Salmo 122:4

Jerusalénmanmi Israel runakuna trïbunpa trïbunpa wisäyämun. Tayta Dios ordenashqannölami alabayänanpaq wisäyämun.

Apocalípsis 21:16

Tupuptinmi say markapa altuyninpis, anchuyninpis y larguyninpis say tamäñula karqan. Saynöpis say markapa cada lädun karqan chunka ishkay waranqa (12,000) estadiumi.