Esdras 6:16 - Tayta Diospa Wilakuynin

¹⁶ Ushaskiyaptinmi cürakuna, levitakuna y Babiloniapita Judáman chämuq lapan Israel runakuna Diospa templunta inaugurar kushish fiestata rurayarqan.

Esdras 6:16 ပူးပေါင်းရင်းမြစ်များ

1 Reyes 8:62

Saypitanami rey Salomón y lapan Israel runakuna Tayta Diospaq sacrificiukunata rupasiyarqan.

1 Reyes 8:63

Saymi ali kawakuy sacrificiupaq rupasiyarqan ishkay chunka ishkay waranqa (22,000) törukunata y pachak ishkay chunka waranqa (120,000) uyshakunatawan cabrakunata. Saynömi Tayta Diospaq sharkasishqan templuta lapan Israel runakunawan Salomón dedicayarqan.

1 Crónicas 15:28

Carnipa waqranta, cornëtata, platïllukunata, salteriuta y arpakunata tukaraykarmi Tayta Diospa Pactu Babulninta Israel runakuna Jerusalénman kushish apayarqan.

1 Crónicas 9:2

Saypita aska wata päsarkuptin markanman punta kutiqkuna kayarqan cürakuna, levita runakuna, templucho aruqkuna y wakin Israel runakunapis.

2 Crónicas 29:30

Nirkurnami rey Ezequías y autoridäkuna levitakunata niyarqan David y Asaf qelqashqan salmukunata cantar Tayta Diosta alabayänanpaq. Saymi fiyupa kushish cantayashpan qonqurpakuykur adorayarqan.

2 Crónicas 30:23

Saypitanami lapan runakuna wilanakuskir juk semäna mas fiestata kushish rurayarqan.

2 Crónicas 30:26

Davidpa surin Salomón rey kaykar fiestata rurashqanpita pasami Jerusaléncho fiestata sayno rurayashsu kash. Saymi say fiestata rurar lapan runakuna seqaypa kushikuyarqan.

2 Crónicas 7:5

Saymi rupasiyarqan ishkay chunka ishkay waranqa (22,000) törukunata y pachak ishkay chunka waranqa (120,000) uyshakunatawan cabrakunata. Saynömi Tayta Diospaq sharkasishqan templuta lapan Israel runakunawan Salomón dedicayarqan.

Esdras 4:1

Judá trïbuta y Benjamín trïbuta chikiq runakunami mayayarqan juklächo täyashqanpita chaykamur Tayta Diospa templunta yapay sharkaykäsiyashqanta.

Esdras 6:22

Saypita qanchis junaqyaqmi Levadüraynaq Tantata Mikuna fiestata kushish rurayarqan. Sayno kushikuyarqan templunta yapay sharkasiyänanpaq Asiria nacionpa mandaqnin reyta Tayta Dios yarpayta qosh kaptinmi.

Nehemías 12:27

Jerusaléncho sharkasiyashqan murällata inaugurayänanpaqmi levitakunata maysaycho täyaptinpis Jerusalénman qayasimurqan. Sayno qayasimurqan platïllukunata, salteriukunata y arpakunata tukar Tayta Diosta agradëcikur kushikuypita cantayänanpaqmi.

Nehemías 12:43

Say junaqmi Tayta Diospaq saysika uywakunata pishtar sacrificiuta rupasiyarqan. Tayta Dios yanapäyämaptinmi fiyupa kushikur fiestata rurayarqä. Warmikunapis wamrakunapis kushishqami saycho kaykäyarqan. Jerusaléncho fiestata kushish rurayashqä karuyaqmi wiyakarqan.

Nehemías 7:73

73 (72) Cürakuna, levitakuna, punku täpakuqkuna, cantaqkuna, templucho aruqkuna y lapan Israel runakunapis awilunkunapa markankunachönami täyarqan. Qanchis kaq killapitanami isanqa lapan runakunapis wayinkunachöna täyarqan.

Nehemías 8:10

Esdras mastapis nirqan: <>.

Salmo 122:1

<> niyämaptin seqaypami kushikü.

Daniel 5:13

Sayno niptinmi Danielta qayaykasimur rey tapurqan: <<¿Qamku kaykanki Judá nacionpita papänï prësu apamushushqayki runa? nir.

Juan 10:22

Tamya killachömi Jerusaléncho templupa fiestan karqan.

Deuteronomio 12:7

Saychömi Tayta Diospa bendicionninwan mikuynikikuna wayushqanpita lapan castaykikunawan Diospa nawpancho kushish mikuyanki.

Filipenses 4:4

Jesucristupa makincho kawaykarqa imaypis kushikuyay. Yapaymi nï: ¡Kushikuyay!