Esdras 4:11 - Tayta Diospa Wilakuynin

¹¹ Gobernador Rehum y secretariu Simsai apasiyashqan cartachömi nirqan: Tayta rey Artajerjes, Éufrates mayu kay simpa provinciacho taq sirvishuqnikikuna karmi kay cartata apaykäsiyämü.

Esdras 4:11 ပူးပေါင်းရင်းမြစ်များ

1 Reyes 21:8

Saymi juk cartata Acabpa jutincho Jezabel qelqarqan. Nirkurnami sëllunwan sëllarkur apasirqan Nabotpa markan Jezreelcho taq mayor runakunaman y autoridäkunaman.

Esdras 3:3

Vecïnun marka runakuna atacayänanta mansariykarpis nawpata kashlanmanmi altarta sharkasiyarqan. Saychömi tutapapis y tardipapis Tayta Diospaq sacrificiukunata rupasiyarqan.

Esdras 4:10

Cartacho nishqantami awniyarqan Samaria markakunacho taq runakuna y wakin provinciakunacho taq runakunapis. Say provinciakunaqa karqan Éufrates mayupita hasta lamaryaqmi. Saycho taq runakunapa unay ayllunkunataqa rey Asnapar wakin nacionkunapita prësu apashpanmi saycho täyänanpaq churarqan.

Esdras 4:12

Qam kaqpita kayman shamuq Israel runakunami Jerusalén markata alsaykäyan. Say markachöqa mana wiyakuq yaqa runakunalami imaypis täyarqan. Say markatami intëru kuchunpa cimientunkunata alsar perqa murällata sharkaykäsiyan.

Esdras 5:6

Kaychömi qelqaraykan rey Daríuman cartakuyashqan. Kay cartatami gobernador Tatnai, Setar-boznai y mandäsiqninkuna cartakuyarqan.

Esdras 7:11

Babiloniapita manaraq yarquptinmi Esdrasta rey Artajerjes cartata entregarqan. Say cartachömi kayno qelqaraykan:

Juan 4:9

Say warminami nirqan: <> Sayno nirqan Samaria runakunawan Israel runakuna chikinakuyaptinmi.