Esdras 2:41 - Tayta Diospa Wilakuynin

⁴¹ Kaychömi qelqaraykan Diosta alabar cantaqkuna mayqan ayllu shamushqanpis: Asafpita miraqkunami kayarqan juk pachak ishkay chunka puwaq (128) runakuna.

Esdras 2:41 ပူးပေါင်းရင်းမြစ်များ

1 Crónicas 15:17

Saymi levita mayinkunapita akrayarqan Joelpa surin Hemánta, Berequíaspa surin Asafta y Cusaíaspa surin Etánta. Etánqa karqan Merari ayllu runami.

1 Crónicas 25:25

Suertita yapay jitaptinmi yarqamurqan Hananipaq. Paykunami surinkunawan y wawqinkunawan chunka ishkay kayarqan.

1 Crónicas 6:39

39 (24) Hemánpa aluq kaq nawpanchömi Asaf cantayta yanaparqan. Asafpa taytanmi karqan Berequías. Berequíaspa taytanmi karqan Simea.

Esdras 2:40

Kaychömi qelqaraykan Babiloniapita Judáman shayämuq levita ayllukunapa jutinkuna: Hodavías ayllu Jesúapita miraqkuna y Hodavías ayllu Cadmielpita miraqkuna. Paykunami kayarqan qanchis chunka chusku (74) runakuna.

Esdras 2:42

Kaychömi qelqaraykan punkuta täpakuq runakunapa ayllunkunapa jutinkuna: Salum ayllu, Ater ayllu, Talmón ayllu, Acub ayllu, Hatita ayllu y Sobai ayllu. Say ayllukunapita miraqkunami kayarqan juk pachak kimsa chunka esqun (139) runakuna.

Esdras 3:10

Tayta Diospa templunta aruqkuna cimientu perqayta qalaykuyaptinmi cürakuna chäyarqan sagrädu sotänan jatish y cornëtan aptash. Saynölami levitakuna churanakuyarqan platïllunkunata tukar Tayta Diosta alabayänanpaq. Say levitakunaqa kayarqan Asafpita miraq runakunami. Paykuna churanakuyarqan Israel runakunapa mandaqnin rey David ordenashqannömi.

Nehemías 11:17

Matanías (Pay karqan Micaíapa surinmi. Micaía karqan Zabdipa surinmi. Zabdi karqan Asafpa surinmi. Asaf karqan Tayta Diosta manakushqan höra alabaqkunapa directorninmi), Bacbuquías (Pay karqan Mataníasta mandäsiqmi) y Abda (Pay karqan Samúapa surinmi. Samúa karqan Galalpa surinmi. Galal karqan Jedutúnpa surinmi).

Nehemías 7:44

Kaychömi qelqaraykan Diosta alabar cantaqkuna mayqan ayllu shamushqanpis: Asafpita miraqkuna. Paykunami kayarqan juk pachak chusku chunka puwaq (148) runakuna.