Esdras 2:1 - Tayta Diospa Wilakuynin

¹ Kaychömi qelqaraykan Jerusalénman y Judáman shamuq runakunapa jutinkuna. Say runakunaqa rey Nabucodonosor Babiloniaman prësu apashqan runakuna y paykunapita miraqkunami kayarqan. Cada ünunmi unay ayllunkuna yuriyashqan markankunaman aywayarqan.

Esdras 2:1 ပူးပေါင်းရင်းမြစ်များ

2 Reyes 25:11

Saypitanami Jerusaléncho quëdaq runakunata Babiloniaman Nabuzaradán prësu aparqan. Saynöpis aparqan Babilonia reypa favornin sharkuq runakunata y nawpata mana apayashqan artesänukunatapis.

1 Crónicas 9:1

Saynömi lapan Israel runakunapa jutinkuna y unay ayllunkunapa jutinkunapis Israel reykunapa acta libruncho qelqaraykäyan. Mana cäsukuq kayashqanpitami Judá runakunata Babilonia soldädukuna prësu apakuyänanpaq Tayta Dios kachaparirqan.

1 Crónicas 9:2

Saypita aska wata päsarkuptin markanman punta kutiqkuna kayarqan cürakuna, levita runakuna, templucho aruqkuna y wakin Israel runakunapis.

Esdras 1:11

Qoripita y qellaypita chaskiyashqan manëjukuna lapan karqan pisqa waranqa chusku pachakmi (5,400). Lapan saykunatami Israel mayinkunawan aywayashpan Babiloniapita Jerusalénman Sesbasar kutisirqan.

Esdras 2:2

Say runakunapa mandaqninkuna kayarqan Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum y Baana. Kaychömi qelqaraykan Israel runakuna mayqan ayllukuna Babiloniapita Judáman shayämushqanpis:

Esdras 2:70

Cürakuna, levitakuna y wakin runakunaqa jinan Jerusalénlachömi täyarqan. Cantaqkuna, templu punku täpakuqkuna, templucho aruqkuna y wakin kaq Israel runakunami isanqa unay ayllunkunapa markankunacho täyarqan.

Esdras 5:8

Noqakunami Judá provinciaman aywayashkä munayyuq Tayta Diospa templun kashqan kaqman. Saychömi rikayashkä Israel runakuna jatusaq rumikunawan templunta yapay sharkaykäsiyaqta. Saynöpis rikayashkä templuta perqarkur tablakunawan entablaykäyaqtami. Aruqkunaqa jukla ushayta munarmi empëñu aruykäyan.

Esdras 6:2

Media provinciacho Acmeta markacho kaykaq palaciuchömi ashishqan actata tariyarqan. Say actachömi qelqaraykarqan:

Esdras 8:35

Saypitanami Jerusalénman noqawan shamuqkuna Israel runakunapa jutincho sacrificiuta rupasiyänanpaq cürakunaman entregayarqä chunka ishkay turïtukunata, esqun chunka soqta (96) carnikunata y qanchis chunka qanchis (77) carnishkunatapis. Saynölami purificasina sacrificiupaqpis chunka ishkay chïvukunata entregayarqä. Saykunatami Tayta Diosta adorar lapanta rupasiyarqan.

Nehemías 12:1

Babiloniapita Jerusalénman aywarmi Salatielpa surin Zorobabelwan mandaq cüra Jesúa cürakunata y levitakunata pushayarqan. Pushayashqan cürakunami kayarqan Seraías, Jeremías, Esdras,

Ester 1:1

Juk reymi karqan Asuero jutiyuq. Paymi India nacionpita qalaykur Etiopía nacionyaq pachak ishkay chunka qanchis (127) provinciakunapa mandaqnin karqan.

Ester 1:11

Chaykuyaptinmi say runakunata kacharqan warmin Vastita corönan jatishta pushayämunanpaq. Común runakunapis y autoridäkunapis Vasti kuyaylapaq kashqanta rikayänanpaqmi sayman pushayänanpaq nirqan.

Ester 1:3

Kimsa wata mandaq kaykarmi fiestata rey Asuero rurarqan lapan mandäsiqninkunapaq, Persiacho y Mediacho soldädukunapa capitanninkunapaq y provinciakunapa autoridäninkunapaq.

Ester 1:8

Vïnuta qarakuqkunatami rey Asuero nirqan upuyta mana munaq kaqtaqa pitapis mana obligananpaq, sinöqa upuyta munaq kaqla upunanpaq.

Ester 8:9

Rey Asuero sayno nirmi secretariunkunata jukla qayasirqan. Say junaq karqan kimsa killacho ishkay chunka kimsa (23) junaqmi. Kimsa kaq killapa jutinmi karqan Siván. Secretariunkuna chämuptinmi Mardoqueo say ordinta qelqasirqan Israel runakunapaq, reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Saynöpami say órden karqan rey Asuero mandashqan pachak ishkay chunka qanchis (127) provinciakunacho taq autoridäkunapaq. Say provinciakuna kayarqan India nacionpita qalaykur Etiopía nacionyaqmi. Pïmaypis tantiyananpaqmi ordinta qelqayarqan rey mandashqan lapan provinciakunacho taq runakuna parlayashqan idiömakunacho y imanöpis qelqayashqan estïluncho. Saynölami qelqayarqan Israel runakuna parlayashqan idiömacho y qelqayashqan estïluncho.

Isaías 48:20

¡Babiloniapita qeshpir aywakuyay! ¡Salvakuyashqaykita maysaychöpis kushish wilakuyay! Wilakur niyay: <<¡Sirviqnin Jacobpita miraqkunata Tayta Diosmi salvash!

Jeremías 50:19

Israel runakunata nacionninmanmi kutisimushaq. Uyshata misiqnömi Carmeluchöpis, Basánchöpis, Efraín jalqakunachöpis, Galaadchöpis paykunata ali rikashaq.

Lamentaciones 1:3

Judá runakunaqa contrankuna sariyaptin manami ima ruraytapis kamäpakuyashsu. Juklä nacionman apayashqanchömi pasaypa nakaykäyan. Jäpa nacioncho prësu karmi jamaytapis tariyansu.

Lamentaciones 1:5

Jerusalén markataqa aläpa jusan poqush kaptinmi Tayta Dios castigash. Saymi chikiqninkuna munaynincho sararaykäyan. Wamrantinta apash karmi chikiqninkuna kushish kaykäyan.

Lamentaciones 4:22

Sión runakuna, castïguta chaskikushkansinami. Yapayqa mananami prësu apamäshunnasu. Edomita runakuna, qamkunatami isanqa jusalikuyashqaykipita Tayta Dios castigayäshunkipaq. Paymi lapan jusaykikunata shimpiyäshunkipaq.

Sofonías 2:7

Kawaykar quëdaq Judá runakunatami isanqa Tayta Dios yanapanqa mana mansariypana kawayänanpaq. Paykunapaqna say chakrakuna kaptinmi uywankunata saycho misikuyanqa. Ascalóncho kaykaq wayikunachömi punuyanqapis.

Hechos 23:34

Say cartata Félix liyirirnami Pabluta tapurqan maypita kashqantapis. Cilicia provinciapita kashqanta musyaykurmi