Esdras 10:7 - Tayta Diospa Wilakuynin

⁷ Nirkurmi intëru Jerusaléncho y Judácho wilakasirqan Babiloniapita lapan shamuqkuna Jerusalénman shuntakäyänanpaq.

Esdras 10:7 ပူးပေါင်းရင်းမြစ်များ

2 Crónicas 30:5

Saymi Israel runakunata kuyaq Tayta Diosta adorar Pascua fiestata rurayänanpaq wilakasirqan Beersebapita qalaykur hasta Danyaq. Pascua fiestata lapan runakuna rurayänanpaq Tayta Dios nish kaykaptinpis aska watanami fiestata pay nishqanno rurashsu kayash.

Esdras 1:1

Persia nacioncho Ciro rey kayta qalaykushqan watami Ciruta Tayta Dios yarpayta qorqan Israel runakunata nacionninman kutisinanpaq. Sayno kutisiptinmi profëta Jeremías wilakushqannöla cumplikarqan. Saymi Ciruqa shimipapis y cartapapis intëru mandashqan nacionpa wilakasirqan:

Esdras 10:6

Nirkurnami Tayta Diospa templunpita Esdras aywakurqan Eliasibpa surin Johanánpa wayinman. Saychömi lakikushpan imatapis mana mikuypa ni mana upuypa wararqan. Sayno lakikurqan Babiloniapita Jerusalénman punta shamuqkuna Tayta Diosta mana cäsukuyashqanpitami.

Esdras 10:8

Saynöpis wilakasirqan kimsa junaqta mana chämuqkunapataqa imaykantapis qechuyänanpaq y Israel mayinkuna täyashqan markakunapitapis qarquyänanpaq. Sayno rurayänanpaqmi Israel mayor runakuna y yäsiqninkuna wilanakukuyarqan.