Esdras 1:7 - Tayta Diospa Wilakuynin

⁷ Saynölami Tayta Diospa templunpita Nabucodonosor apakushqan manëjukunata rey Ciro entregarqan Jerusalénman kutisiyänanpaq. Say manëjukunaqa Nabucodonosor adorashqan diosninkunapa templunchömi churaraykäyarqan.

Esdras 1:7 ပူးပေါင်းရင်းမြစ်များ

2 Reyes 24:13

Jerusalénman yaykuykurnami rey Nabucodonosor templupitapis y palaciupitapis qoripita rurash manëjukunata jorqasirqan. Rey Salomón qoripita rurasishqankunata pakiskirmi templupita apasirqan. Lapanpis sayno päsarqan profëtankunawan Tayta Dios wilakasishqannölami.

2 Crónicas 36:10

Mushuq wata qalaykuptinmi Babiloniapa mandaqnin rey Nabucodonosor Joaquínta Babiloniaman prësu apasirqan. Saynölami Tayta Diospa templunpita mas chaniyuq manëjukunatapis apasirqan. Nirkurnami Judá nacionpa y Jerusalénpa mandaqnin rey kananpaq Joaquínpa tiyun Sedequíasta churarqan.

2 Crónicas 36:18

Saypitanami templupita lapan manëjukunata jatuntapis takshatapis apakuyarqan. Saynölami templupita, reypa palaciunpita y reypa mandäsiqninkunapa wayinkunapitapis kuyaylapaq kaqkunata apakuyarqan. Lapan saykunatami Babiloniaman apakuyarqan.

2 Crónicas 36:7

Saynölami Tayta Diospa templunpita wakin manëjukunatapis Babiloniaman apakuyarqan. Say apakuyashqan manëjukunatami Babiloniacho taq runakuna adorayashqan diospa templunman churayarqan.

Esdras 5:14

Sayshi Babiloniacho kaykaq templupita jorqur qoripita y qellaypita rurash manëjukunata Jerusalén templuman kutisiyänanpaq rey Ciruqa Sesbasarta entreganaq. Payta entreganaq Judácho gobernador kananpaq churarkurshi. Say manëjukunataqa Babiloniapa unay mandaqnin rey Nabucodonosorshi Tayta Diospa templunpita Babiloniacho kaykaq templunman apanaq.

Esdras 6:5

Qoripita y qellaypita rurash manëjukunata Tayta Diospa templunpita Nabucodonosor Babiloniaman apamushqantapis Jerusalénman kutisir Tayta Diospa templunman churayäsun.

Jeremías 51:44

<

Daniel 1:2

Tayta Diosmi kachaparirqan rey Joacimta Nabucodonosor prësu sarinanpaq y Diospa templuncho kaykaq wakin manëjukunata apakunanpaq. Saykunatami Babiloniaman apaykur diosninkunapa templuncho kaq almacén cuartuman churarqan.

Daniel 5:23

Jana pasacho kaykaq Tayta Diosta rabyanäsirmi templuncho manijashqan väsukunata apaykasimur vïnuta upyayashkanki kikikipis, mandäsishuqnikikunapis, warmikikunapis y concubïnaykikunapis. Nirkurmi alabashkanki qoripita, qellaypita, broncipita, fiërrupita, qerupita y rumipita rurash dioskunata. Say dioskunaqa manami rikayansu ni wiyayansu ni imatapis musyayansu. Munayyuq Tayta Diostami isanqa alabashkankisu. Payta rabyanäsishkanki paypitaraq lapantapis chaskiykarmi. Paymi rey kanaykipaqpis churashushkanki.