Esdras 1:6 - Tayta Diospa Wilakuynin

⁶ Aywayaptinmi lapan vecïnunkuna yanapäyarqan qellaywan, qoriwan, mikuykunawan, uywakunawan, chanin kuyaylapaq kaqkunawan y ofrendakunawanpis.

Esdras 1:6 ပူးပေါင်းရင်းမြစ်များ

1 Crónicas 29:9

Tayta Diospa templunta sharkasinanpaq lapan shonqunkunawan aparmi runakuna seqaypa kushikuyarqan. Saynölami rey Davidpis seqaypa kushikurqan.

Esdras 1:4

Taykäyashqanpita Jerusalénman aywaqkunata quëdaq kaq Israel mayinkuna yanapäyäsun qellaywan, qoriwan, uywakunawan y ofrendakunawanpis. Sayno yanapäyäsun Tayta Diospa templunta Jerusaléncho sharkasiyänanpaq>>.

Esdras 8:33

Chusku kaq junaqchönami apayämushqan qellayta, qorita y kuyaylapaq kaqkunata Tayta Diosninsipa templuncho pësarkasir Uríaspa surin cüra Meremotta entregayarqan. Paywanmi kaykarqan Fineespa surin Eleazar, Josuépa surin Jozabad y Binúipa surin Noadías. Jozabadwan Noadíasqa levitakunami kayarqan.

Nehemías 6:9

Paykunaqa aruykäyashqäta kacharinäta munarmi imaykanöpapis mansakäsiyämayta munayarqan. Sayno kaptinpis Tayta Diostami manakurqä mana kachaypa yanapämänanpaq.

Salmo 106:46

Saymi chikiqninkuna kuyapäyänanpaqpis tantiyasirqayki.

Salmo 110:3

Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.

Éxodo 12:35

Moisés nishqannölami Egipto runakunata manakuyarqan qoripita y qellaypita kaqtaqa imaykatapis. Saynölami manakuyarqan mödanakunatapis.

Éxodo 12:36

Sayno manakuyaptinmi Egipto runakunapa yarpayninman Tayta Dios churarqan imatapis manakuyashqan kaqta qaraykuyänanpaq. Saynöpami Egipto runakunapata imaykantapis ali kaqtaqa apakuyarqan.

Isaías 35:3

Makiki warkakaqno desalentakarpis y qonqurniki watakaqno qajakarpis valorta sariyay.

2 Corintios 9:7

Saynöla qamkunapis aykata ofrendayänaykipaqpis shumaq yarpachakurir kushishla ofrendayay. Shonquykikuna nanaykaptinqa ama ofrendayaysu. Kushish ofrendaq kaqtami Tayta Dios kuyan.