Efesios 5:4 - Tayta Diospa Wilakuynin

⁴ Lutankunata, manakaqkunata ni lutan yarpayman apakuq bujunädakunatapis ama parlayaysu. Saypa trukanqa imapitapis Tayta Diosta agradëcikuyay.

Efesios 5:4 ပူးပေါင်းရင်းမြစ်များ

Salmo 33:1

Ali shonquyuqkuna, Tayta Diosta alabayay. Payta alabayashqaykiqa kuyaylapaqmi wiyakan.

Salmo 92:1

1 (2) Tayta Dios, qamta agradëcikushqäqa seqaypa alimi. Poderyuq Tayta Dios, qamta alabar sellämami kushikü.

Proverbios 12:23

Tantiyakuq runaqa yachaq kashqanta manami sumäsinsu. Mana tantiyakuq runami isanqa lutanta rurarirpis sumäsikun.

Proverbios 15:2

Tantiyakuq runa parlaptinqa wiyaqkuna shumaqmi yachakuyan. Mana tantiyakuq runaqa shimin tarishqantami imatapis lutala parlan.

Proverbios 26:19

amïgunta lulapar brömapaqkunaqa kayan.

Eclesiastés 10:13

Mana tantiyakuq runaqa imaypis manakaqkunalatami parlan.

Daniel 6:10

10 (11) Say ley qelqaraykashqanta musyaykurmi Danielqa punushqan cuartunman wisarkur Jerusalénläpa kaq ventänata kicharqan. Nirkurnami waran waran kimsa kuti imaypis manakushqanno qonqurpakuykur Tayta Diosta manakur alabarqan.

Marcos 7:22

majanta jarukuyan, wachakash kayan, lulakuyan, shanaripakur jusalikuyan, envidiakuyan, manakaqta tumpayan, yachaq tukuyan y lutankunata rurayan.

Juan 6:23

Sayno kaykäyaptinmi Tiberias markapita büquikuna chäyarqan Señor Jesús tantata qarashqan cercanman.

Romanos 1:28

Tayta Dios munashqanno kawayta mana munayaptinmi mana penqakuypa jusalikur kawakuyänanpaq Tayta Dios kachariykush.

2 Corintios 1:11

Tayta Diosta noqakunapaq manakuyashpayki qamkunapis yanapaykäyämankimi. Sayno askaq manakuyaptinmi payta askaq agradëcikuyanqa.

2 Corintios 9:15

¡Tayta Diosta agradëcikushun kuyapäkuq kashqanpita! Saypita imanöpa agradëcikuytapis manami kamäpakunsisu.

Efesios 1:16

Tayta Diosta qamkunapaq manakur imaypis payta agradëcikü.

Efesios 4:29

Ama imatapis lutankunata parlayaysu. Saypa trukanqa runa mayikita shakyäsiyänaykipaq ali kaqkunalata parlayay.

Filipenses 4:6

Imapaqpis ama lakikuyaysu. Saypa trukanqa Tayta Diosta agradëcikur lapanchöpis yanapäyäshunaykipaq manakuyay.

Colosenses 3:8

Kananqa pitapis ama rabyapäyaynasu, nanaparäyaynasu ni chikiyaynasu. Ama pipa washantapis rimayaynasu ni manakaqkunata parlayaynasu.

1 Tesalonicenses 3:9

Tayta Diosninsi yanapäyäshushqaykipita fiyupa kushikur lapan shonqükunawanmi payta agradëcikuyä.

1 Tesalonicenses 5:18

Imapitapis Tayta Diosta agradëcikuyay. Jesucristupa makincho kayaptikimi sayno kawayänaykita Tayta Dios munan.

Filemón 1:8

Wawqi Filemón, Jesucristupa wilakuyninta wilakushqäpitami carcilcho wichqaraykä. Saynöpis awkinnami kaykä. Prësu kaykashqäman ashmayniki Onésimo chämuptin ali wilakuyta wilapaptïmi Jesucristuta chaskikush. Saymi kananqa surïnöna kaykan. Sayno kaptinmi qamta ruwakü Onésimuta kachamuptï ali chaskinaykipaq. Jesucristupa apostolnin kar qamta obligarpis obligämanmi. Sayno kaptinpis manami obligayta munäsu, sinöqa kuyakuq kaptikimi Onésimuta ali chaskinaykipaq ruwakuykä.

Hebreos 13:15

Sayno kaykaptinqa Jesucristuman yärakur sacrificiuta altarman churaqno Tayta Diosta imay hörapis alabashun. Paypa jutinta joqarir alabashqansimi ali kaykan.

2 Pedro 2:18

Paykunaqa sumäsiyashpanmi yachaq tukur imatapis parlayan. Jusankunata sayraq kacharish kaqkunatami shakyäsiyan lutankunata rurayänanpaq.

2 Pedro 2:7

Say markakunata rupasirpis Lottami isanqa ali runa kaptin salvarqan. Paymi say markakunacho taq fiyu runakuna jusalikuyaptin ima ruraytapis kamäpakurqansu.

Judas 1:10

Say lutan yachasikuqkunaqa mana tantiyayashpanmi manakaqkunata parlayan. Paykunaqa uywakunano mana tantiyakuq karmi imatapis lutanta rurayan. Sayno kayashqanpitami ushakäyanqa.

Judas 1:13

Tukuy niraq qanrata lamar jitamushqannömi paykunapis penqakuypaq kaqkunata ruraykäyan. Qoyllar shikwaqnömi yanawyaykaqman qaykush kayanqa.