Efesios 4:7 - Tayta Diospa Wilakuynin

⁷ Juk cuerpula kashqapis cada ünunsitami Jesucristo kuyakuq kar churamashkansi payta sirvinansipaq.

Efesios 4:7 ပူးပေါင်းရင်းမြစ်များ

Mateo 25:15

Habilidäninkuna imano kashqantapis tantiyaykurshi jukninta pisqa talentu qellayta kachapänaq, jukninta ishkay talentu qellayta kachapänaq y juknintanashi juk talentu qellayta kachapänaq. Nirkurshi karu markapa aywakunaq.

Juan 3:34

Sayno tantiyayan jana pasapita shamuq runa Tayta Dios nishqankunata parlaptinmi. Sayno parlananpaqmi Espíritu Santuta Tayta Dios qorqan.

Romanos 12:3

Kuyapämarmi Tayta Dios wilakuqnin kanäpaq churamash. Saymi lapaykita nï: Ama yarpäyaysu wakin kaqpita mas väliq kayashqaykita. Payman yärakunansipaq Tayta Dios yanapaykämaptinsiqa lapansipis välishqansita tantiyakushun.

2 Corintios 6:1

Wilakuqnin karmi qamkunata ruwakuyä kuyapäkuq Tayta Diosta mana yupaytupäyänaykipaq.

Efesios 3:2

Tayta Dios kuyakuq karmi churamash qamkunaman y wakin mana Israel runakunamanpis ali wilakuyninta apanäpaq. Say wilakuytaqa musyaykäyankinami.

Efesios 3:8

Tayta Diosman lapan yärakuqkunapita mana väliqnin kaykaptïpis Tayta Diosmi kuyamar churamash Jesucristupa ali wilakuyninta mana Israel runakunaman chäsinäpaq. Say ali wilakuymanqa manami ima riquëzapis tinkunsu.

Hebreos 2:4

Wilakuynin rasunpaypa kashqanta Tayta Dios musyasimashkansi señalkunata y admiraypaq milagrukunata rurashpanmi. Saynöpis musyasimashkansi Espíritu Santuwan habilidäkunata kikin munashqanno qomashpansimi.

1 Pedro 4:10

Tayta Diosmi kuyapäyäshushpaykimi tukuy niraq habilidäta qoyäshushkanki. Sayno kaykaptinqa habilidäta chaskiyashqaykiman tupu jukniki juknikipis yanapänakuyay. Sayno yanapänakurqa Tayta Dios munashqannömi kawaykäyanki.