Efesios 4:2 - Tayta Diospa Wilakuynin

² Mana yachaq tukuypa kawayay, pïmaypaqpis ali shonqu kayay y kuyanakur pacienciakuyay.

Efesios 4:2 ပူးပေါင်းရင်းမြစ်များ

Salmo 138:6

Tayta Dios, jana pasapita pasami humildi runakunata yanapaykämunki. Runa tukuqkunataqa manami cäsupankisu.

Salmo 45:4

4 (5) Munayyuq karmi cawalluta loqakurkur vinciq vinciqlana guërraman aywanki. Promitiyämashqaykita cumplirmi sapäyämänaykipaqmi yarqunki. Humildikunapa favornin pelyarmi fiyu runakunata imaypis vincinki. Aluq kaq makikiwanmi espantaypaq kaqkunata imaypis ruranki.

Proverbios 16:19

Rïcuyayta munar orgullösukunawan shuntakashqan manami alisu. Saypa trukanqa mas alimi kanman pobrikunawan qollmi shonqu kawashqan.

Proverbios 3:34

Runa mayinta manakaqman churaqkunataqa kikintami Tayta Dios manakaqman churan. Humildi kaqkunatami isanqa kuyapar yanapan.

Eclesiastés 7:8

Aruyta qalarir kushikushqansipitapis usharkurmi masqa kushikunsi. Imapitapis jukla rabyakunaykipa trukanqa mas ali kaykan pacienciakushqaykimi.

Isaías 57:15

Jana pasacho taq imayyaqpis kawaq santu Tayta Diosmi nin: <

Sofonías 2:3

Kay pasacho ali shonqu runakuna, Tayta Diosta lapayki ashiyay. Mandamientunkunata cäsukuqkuna, mana yachaq tukuylapa pay munashqanno kawayay. Sayno kawayaptikiqa capazchir Tayta Dios rabyanan junaq salvayäshunkimanpis.

Zacarías 9:9

<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

Números 12:3

Paykuna sayno rimayaptinpis kay pasacho pïmaypitapis mas qollmi shonqu karmi Moisés imatapis parlakurqansu.

Mateo 11:29

Noqapa yügüta matankakuyay. Kuyapäkuq y ali shonqu kashqäta rikakur noqapita yachakuyay. Noqapita yachakurmi jamayta tariyanki.

Marcos 9:19

Sayno niptinmi Jesús nirqan: <<¡Yärakuyniynaq runakuna! ¡Imayyaqraq qamkunawan kaykäshaq! ¡Imayyaqraq qamkunata awantayäshayki! Mä say maqtata apayämuy>>.

Hechos 20:19

Israel runakuna conträ sharkuyaptin nakarpis waqarpis Señor Jesucristuta lapan shonqüwanmi sirvishkä.

Romanos 15:1

Yärakuq mayinsi shumaq mana tantiyar imalapis jusa kashqanta yarpaptinqa sayta ama rurashunsu. Kikinsi munashqansita ruranansipa trukanqa

1 Corintios 13:7

Kuyakuq karqa ima kaptinpis perdonansimi. Imaypis criyinsimi, imaypis shuyaransimi y lapantapis awantakunsimi.

Gálatas 6:2

Jukniki juknikipis shakyäsinakur yanapänakuyay. Saynöpami Jesucristo yachasimashqansi mandamientunta cumpliykäyanki.

Efesios 1:4

Kay pasata manaraq kamarmi Jesucristuman churamashpansi Tayta Dios akramashkansi paypa nawpancho jusaynaq y santu kanansipaq.

Colosenses 1:11

Saynöpis manakuykäyä munayninwan yanapäyäshuptiki ima nakaycho karpis mana ajayaypa payman yärakuyänaykipaq

1 Timoteo 6:11

Timoteo, Tayta Diosta sirviq kaykarqa ama qellaypaq wachakash kaysu. Saypa trukanqa Tayta Dios munashqanno imaypis kaway, payman yärakuy, runa mayikita kuyapay, pacienciakuy y pitapis ali shimilaykipa parlapay.

2 Timoteo 2:25

Contrayki sharkuqkunata ali shimilaykipa tantiyasiy. Sayno tantiyasiptiki capazchir Tayta Dios tantiyasinqa jusalikushqanta wanakur pay munashqannöna kawayänanpaq.

Santiago 1:21

Mana ali ruraykunatapis y imayka viciukunatapis kachariyay. Wilakuyninta shonquykikunaman Tayta Dios murush kaykaptinqa wilakuyninta shumaq cäsukuyay. Paypa ali wilakuyninqa salvayäshunaykipaq munayyuqmi kaykan.

1 Pedro 3:15

Lakikuyänaykipa trukanqa Jesucristo ämuyki kashqanta tantiyar pay munashqanno kawayay. Jesucristuman imanir yärakuyashqaykita pipis tapuyäshuptiki tantiyasiyänaykipaq imaypis kamarikushla kaykäyay.

1 Pedro 3:8

Lapaykipis juk shonqula kuyapänakur y say ayllunöla kuyanakur pïmaywanpis yachanänakur kawayay.