Eclesiastés 9:9 - Tayta Diospa Wilakuynin

⁹ Kay pasacho Tayta Dios qomashqansi kaway päsaqla kaykaptinqa warmikiwan kuyanakur waran waran kushish kawanki. Sayno kawashqaykimi päguyki kaykan kay pasacho fiyupa nakar arushqaykipita.

Eclesiastés 9:9 ပူးပေါင်းရင်းမြစ်များ

Génesis 26:8

Saypita watakuna päsarkuptinnami filisteo runakunapa mandaqnin rey Abimelec ventänanpa rikachakuykashqancho Rebecata Isaac kuyar shulwapaykaqta rikarqan.

Salmo 144:4

Runaqa jämaynölami kaykan. Vïdanpis lantuyno päsaqlami kaykan.

Salmo 39:5

5 (6) Walka junaqla kawanäpaqmi kawayta qomashkanki. Aska wata kawaptïpis manami aykäpis kansu. Runaqa jämayno elaqaqlami kaykan. Selah

Proverbios 18:22

Warmiyuq runaqa kushishqami kawan. Ali warmita tarishqanqa Tayta Diospa bendicionninmi kaykan.

Proverbios 19:14

Runaqa papäninpitami wayita y ima herenciatapis chaskin. Ali yarpayyuq warmitaqa Tayta Diospitaraqmi tarin.

Eclesiastés 2:10

Imatapis shonqü munashqantaqa lapantapis kushishqami rurashkä. Say kushikushlämi pägü kash lapan rurashqäkunapita.

Eclesiastés 2:24

Sayno kaykaptinqa kawashqansiyaq tarishqansita kushish mikushun y upushun. Kushish kawanansipaqmi Tayta Dios kamamashkansi.

Eclesiastés 3:13

Saynöpis tantiyakushkä arushqansipita mikur y upur kushish kawanansita Tayta Dios munashqantami.

Eclesiastés 3:22

¿Piraq musyan shamuq watakunacho imano kananpaq kashqanta? Saymi runapaqqa mas ali kaykan arushqanwan kushish kawashqan. Sayno kushish kawashqanmi pägun kaykan.

Eclesiastés 5:18

18 (17) Sayno kaykaptinqa noqapa tantiyaynïpitaqa mikushun, upushun y kay vïdacho nakar tarishqansikunata kushish gastashun. Sayno kawashqansimi pägunsi kaykan.

Eclesiastés 6:12

Kay pasacho kawashqansi lantuyno päsaqla kaptin manami pipis musyansu noqansipaq ima mas ali kashqantapis. Saynöpis manami pipis musyansu wanukuptin kay pasacho ima päsananpaq kashqantapis.

Eclesiastés 7:15

Kay nakay pasacho rikashkämi ali runa kaykarpis manaraqpis aykäta wanukuqta. Saynöpis rikashkämi fiyu runa kaykarpis aska wata kawaqta.

Malaquías 2:15

¿Manaku juklaylano kayänanpaq ishkantapis Tayta Dios kamarqan? Cuerpunpis y espïritunpis paypami kaykan. ¿Manaku tantiyayanki imanir juklaylano kayänanpaq kamashqanta? Sayno kamarqan say runapa surinkuna Tayta Dios munashqanno kawayänanta munarmi. Sayno kaykaptinqa shumaq tantiyakuyay maqta kaykar majasakäyashqayki warmikipita mana rakikäyänaykipaq.