Eclesiastés 7:5 - Tayta Diospa Wilakuynin

⁵ Mana tantiyakuq runa halagamashqansipitaqa tantiyakuq runa anyapämashqansimi mas ali kaykan.

Eclesiastés 7:5 ပူးပေါင်းရင်းမြစ်များ

Salmo 141:5

Ali runa corrigimar astamaptinpis chaskikümi. Anyapämashqanta cäsukümi. Jusalikuqkuna yäsiyämashqantami isanqa wiyaytapis munäsu. Paykunata castigananpaqmi Tayta Diosta imaypis manakuykä.

Salmo 69:12

12 (13) Pïmaypis washäta rimalarmi puriyan. Shinkash runakunapis penqakasimänan kashqami cantapäyäman.

Proverbios 13:13

Mandaqnin nishqanta mana cäsukurqa castigashqami kanqa. Mandaqnin nishqanta cäsukurmi isanqa premiuta chaskinqa.

Proverbios 13:18

Yäsishqanta mana chaskikuq runaqa penqaypaqmi muchuyman chanqa. Anyapashqanta chaskikuq runami isanqa respitash kanqa.

Proverbios 17:10

Tantiyakuq karqa anyapaptin chaskikunmi. Mana tantiyakuq karmi isanqa mayjina astaptinpis chaskikunsu.

Proverbios 25:12

Tantiyakuq runapaqqa yachaq runa yäsishqan kaykan qoripita rurash sortïjano y qoripita rurash walqanömi.

Proverbios 27:6

Jaqayänayki kaptinpis amïguyki corrigishushqaykiqa alimi kaykan. Chikishuqniki runami isanqa mana alita ruraptikipis alabashunki.

Proverbios 6:23

Yäsikuykunaqa sariraykaq mechëruno y yachasikuykunaqa aksinömi kaykan. Tantiyasikuykuna y anyapäkuykunaqa ali kawaymanmi apan.

Proverbios 9:8

Awilan ashmash runaqa anyapaptiki chikishunkimi. Tantiyakuq runami isanqa anyapaptikipis kuyashunki.

Eclesiastés 12:11

Picano y firmi jawiraq estäcanömi tantiyakuqkuna yäsishqankunaqa kaykan. Sayno yäsinanpaq Tayta Diosmi tantiyasin. Payqa ali misikuqmi kaykan.

Eclesiastés 7:4

Tantiyakuq runaqa wanukuqla kashqanta tantiyakunmi. Mana tantiyakuq runami isanqa imatapis mana yarpachakuypa fiestan fiestan purikun.

Eclesiastés 9:17

Mana tantiyakuq mandaq runa fuertipa parlashqanpitaqa mas alimi kaykan tantiyakuq runa yachaylapa parlashqan.

Apocalípsis 3:19

<