Eclesiastés 5:9 - Tayta Diospa Wilakuynin

⁹ 9 (8) Autoridäkuna sayno sapänakuyaptin ¿markansikuna mejoraykansuraq? Saynöpis ¿chakra runakunata rey yanapaykansuraq?

Eclesiastés 5:9 ပူးပေါင်းရင်းမြစ်များ

Salmo 115:16

Jana pasaqa Tayta Diospami kaykan. Kay pasataqa runakuna täyänanpaqmi kamash.

Proverbios 13:23

Pobri runapa chakrancho mikuy ali wayuptinpis yaqa runami ushapan.

Proverbios 28:19

Arukuq runapaqa mikuyninpis pusuy pusuymi kanqa. Qela runakunawan talukaq runapami isanqa mikunanpaqpis kanqasu.

Eclesiastés 4:8

Rikashkämi wakin runa japala kaykarpis suriynaq y wawqiynaq kaykarpis mana jamaypa arushqanta. Aykata gänarpis masta mastami munan. Imaypis manami yarpachakunsu sayjina arushqan pipaq quëdananpaq kashqanta ni imanir aläpa nakar arushqantapis. Sayno aläpa nakar arushqanpis walälami kaykan.

Eclesiastés 5:10

10 (9) Qellaypaq wachakash kaqkunaqa tarirpis manami contentakuyansu. Rïcukunaqa mas rïcuyarpis manami contentakuyansu. Sayno kashqanpis walälami kaykan.

Eclesiastés 5:8

8 (7) Maysaychöpis pobrikunata fiyupa nakaykäsiyaqta rikar o yaqa autoridäkunata rikar ama espantakuysu. Autoridäkuna sayno lutanta rurayan mas munayyuq kaq autoridäkuna favornin sharkuptinmi. Y say munayyuq autoridäkunapapis mas mandaq autoridäkunami favornin sharkuyan.

Eclesiastés 6:7

Runaqa pachalanpaqmi waran waran arun. Sayno kaptinpis nisidäninqa manami imaypis ushakansu.