Eclesiastés 4:8 - Tayta Diospa Wilakuynin

⁸ Rikashkämi wakin runa japala kaykarpis suriynaq y wawqiynaq kaykarpis mana jamaypa arushqanta. Aykata gänarpis masta mastami munan. Imaypis manami yarpachakunsu sayjina arushqan pipaq quëdananpaq kashqanta ni imanir aläpa nakar arushqantapis. Sayno aläpa nakar arushqanpis walälami kaykan.

Eclesiastés 4:8 ပူးပေါင်းရင်းမြစ်များ

Génesis 2:18

Nirkurmi Tayta Dios nirqan: <>.

Salmo 39:6

6 (7) <

Salmo 39:7

7 (8) Sayno kaykaptinqa ¿imapaqtaq riquëzakunaman yäraküman, Tayta Dios? Saypa trukanqa qamlamanmi yärakamü.

Proverbios 27:20

Wanuypis y sepultürapis manami contentakuyansu saysika runakuna pampakuyaptinpis. Saynölami wachakash runapis ajayansu imaykata shuntarpis.

Eclesiastés 1:13

Saymi imaykatapis kachaykur yarpachakushkä kay pasacho imanir lapan päsashqankunatapis tantiyakunäpaq. Sayta tantiyakunansipaq Tayta Dios churamashqapis aläpa ajami kaykan.

Eclesiastés 1:8

Lapanpis saynöla kaptinmi pasaypa lakikü. Pasaypa lakikushqätapis manami shumaq tantiyasiyta kamäpaküsu. Imaykata runa rikaptinpis rikananpaq kaqkuna masraqmi kaykan. Askata wiyaptinpis wiyananpaq kaqkuna masraqmi kaykan.

Eclesiastés 2:21

Shumaq yarpachakuykur arushqansitapis wanukurqa mana yanapämaqninsikunatami kachapaykunsi. Saypis manakaqlapaq y mana alimi kaykan.

Eclesiastés 4:7

Saypitanami mastapis rikashkä. Say rikashqäpis walälami kaykan.

Eclesiastés 5:10

10 (9) Qellaypaq wachakash kaqkunaqa tarirpis manami contentakuyansu. Rïcukunaqa mas rïcuyarpis manami contentakuyansu. Sayno kashqanpis walälami kaykan.

Eclesiastés 5:9

9 (8) Autoridäkuna sayno sapänakuyaptin ¿markansikuna mejoraykansuraq? Saynöpis ¿chakra runakunata rey yanapaykansuraq?

Isaías 5:8

¡Ay imanöraq kayanki, maysaychöpis wayikunata rantiqkuna! Chakrakunatapis wakcho kaycho rantirmi lapanpa duëñun rikakuyanki. Intëru nacionchöpis ¿qamkunalanaku tayta munayanki?

Isaías 55:2

Mikuyta rantiyänaykipa trukan ¿imanirtaq qellaynikita manakaqkunacho ushayanki? ¿Imanirtaq arupakur gänayashqaykita lutankunacho ushayanki? Shumaq wiyayämay. Wiyakamarqa ali mikuytami tariyanki. Ali alilata mikurmi kushish kawayanki.

Mateo 11:28

<

Lucas 12:20

Sayno yarpachakuykaptinshi Tayta Dios ninaq: <¡Mana ali yarpayyuq runa! ¡Kanan sakaymi wanunki! Lapan pirwakushqayki ¿pipaqraq kanqa?> >>

1 Juan 2:16

Diosta mana cäsukuq runakunaqa shonqunkuna munashqanno lutantami ruraykäyan, imatapis rikashqantami munapaykäyan y lapanpitapis mas ali rikash kaytami munaykäyan. Paykunano kawarqa manami Tayta Dios munashqannösu kawaykäyanki, sinöqa jusasapa runakunanömi.