Eclesiastés 2:8 - Tayta Diospa Wilakuynin

⁸ Wakin reykunapata y wakin provinciakunapatami qorintapis qellaynintapis muntun muntun impuestuta cobrar shuntashkä. Cantapämaqkunapis askaqmi olqupis warmipis kayash. Gustükunata rurarmi warmitapis askaqta sararashkä.

Eclesiastés 2:8 ပူးပေါင်းရင်းမြစ်များ

2 Samuel 19:35

35 (36) Puwaq chunka (80) watayuqnami kaykä, taytay. Mikurpis ni upurpis gustunta manami tarïnasu. Warmi o olqu cantaykashqantapis manami tantiyänasu. Sayno kaykarnaqa ¿imapaqnataq afannikipaq aywashaqpis?

1 Reyes 10:10

Nirkurmi Salomónta qaraykurqan kimsa waranqa esqun pachak soqta chunka (3,960) kïlu qorita, aska perfümikunata y kuyaylapaq cuestaq aska rumikunatapis. Salomónta qaraykushqan perfümikunatanöqa manami imaypis saysika perfümita Israel nacionman apayämurqansu.

1 Reyes 10:14

Cada watami qorita Salomón chaskiq ishkay chunka ishkay waranqa (22,000) kïluta.

1 Reyes 10:21

Rey Salomónpa cöpankunapis y Líbano Munti jutiyuq palaciucho kaykaq lapan manëjukunapis qorilapitami karqan. Say palaciuchöqa manami imapis karqansu yuraq qellaypitaqa. Qellaypita kaqtaqa Salomón rey kashqan wisan manami pipis cäsupäyaqsu.

1 Reyes 11:3

Salomónpa warminkuna qanchis pachakmi (700) kayarqan. Saynölami concubïna warminkunapis kimsa pachak (300) kayarqan. Say warmikunami Salomónta ïdulukuna adorayman jitarpuskiyarqan.

1 Reyes 14:27

Apakuyashqan escüdukunapa trukantami broncipitana escüdukunata Roboam rurasirqan. Nirkurmi palaciu punkuta täpaq soldädukunapa mandaqninkunata entregarqan.

1 Reyes 9:14

Salomónman Hiram apasishqan qori karqan kimsa waranqa esqun pachak soqta chunka (3,960) kïlumi.

1 Reyes 9:28

Saynöpami say runakuna Salomónpa capitanninkunawan lamarpa aywayashpan Ofirman chäyarqan. Ofirpitami Salomónpaq apayämurqan cäsi chunka chusku waranqa (14,000) kïlu qorita.

1 Crónicas 25:1

Saypitami soldädukunapa capitanninkunawan wilanakuskir runakunata David churarqan arpata, salteriukunata y platïllukunata tukapaylapa Tayta Diospa wilakuyninta wilakuyänanpaq. Wakin runakunami kayarqan Asafpa surinkuna, wakin kayarqan Hemánpa surinkuna y wakinnami kayarqan Jedutúnpa surinkuna.

1 Crónicas 25:6

Asafpa surinkuna, Jedutúnpa surinkuna y Hemánpa surinkuna lapanmi taytan tantiyasiyashqannöla Tayta Diospa templuncho platïllukunata, arpakunata y salteriukunata tukayaq. Imatapis rurayänanpaq kaqtaqa Asafta, Jedutúnta y Hemánta kikin reymi yäsiq.

2 Crónicas 9:11

Say sándalo qerupitami rey Salomón rurasirqan Tayta Diospa templunpa grädankunata y palaciunpa grädankunatapis. Saynöpis tukaqkuna tukayänanpaqmi rurasirqan arpakunata y salteriukunata. Manami imaypis Judáman chäsiyarqansu sándalo qeruta sayno askataqa.)

Esdras 2:65

Paykunawanmi qanchis waranqa kimsa pachak kimsa chunka qanchis (7,337) warmipis olqupis ashmaykuna shayämurqan. Diosta alabaqkuna warmipis olqupis ishkay pachakmi (200) paykunawan shayämurqan.

Eclesiastés 1:2

Paymi yachasikuq kar nirqan: <<¡Imaykapis manakaqlapaqmi kaykan! ¡Kay pasacho päsashqankuna imanir y imapaq kashqantapis manami tantiyayta kamäpakunsisu!

Daniel 3:15

Kananqa cornëtata, kënata, taksha arpata, guitärrata, arpata, zampöñata y wakin instrumentukunatapis tukamuqta wiyayashpayki jukla qonqurpakuykur rurasishqä monumentuta adorayay. Mana adorayaptikiqa fiyupa waylaykaq jornumanmi qaykasiyäshayki. Sayno ruraptï ¿ima diosraq salvayäshunki?>>

Daniel 3:5

Imay hörapis cornëta, këna, taksha arpa, guitärra, jatun arpa, zampöña y mas wakin instrumentukunapis waqamushqanta wiyar juk yarpayla lapayki rey Nabucodonosor ichisishqan monumentuta adorayänaykipaq qonqurpakuyanki.

Daniel 3:7

Órden mansariypaq kaptinmi instrumentukuna waqamushqanta wiyar intëru markakunapita y nacionkunapita shamuq runakuna ima idiömata parlaq karpis qonqurpakuykur rey Nabucodonosor ichisishqan qori monumentuta adorayarqan.

Amós 6:5

Arpakunatapis waqay waqaylataraq tukarmi versukunatapis mushuqkunalata jamutaykäyanki. Instrumentukunatapis Davidnöraqmi tukuy niraqta ruraykäyanki.