Eclesiastés 2:5 - Tayta Diospa Wilakuynin

⁵ Huertata ruraykasirmi imayka niraq waytakunatapis plantasishkä. Saynölami tukuy casta frütakunatapis plantasishkä.

Eclesiastés 2:5 ပူးပေါင်းရင်းမြစ်များ

Nehemías 2:8

Saynöpis muntikita täpaq Asafpaq cartata rurapaykalämay qeruta kamaripämänanpaq. Say qeruta nistäshaq templu punkukunapaq, marka murälla punkukunapaq y tänäpaq kaq wayita rurasinäpaqmi>>. Sayno manakuptïmi kuyapäkuq Tayta Dios yanapämarqan rey awnimänanpaq.

Cantares 4:12

Kuyay warmilä, intërunpa qenchash huertami kaykanki. Shumaq sapash yaku pözumi kaykanki.

Cantares 4:13

Cuerpuykiqa granäda frütayuq huertami kaykan. Say huertachömi kaykan tukuyläya mishkiq frütakuna, alheña waytakuna y nardo waytakuna.

Cantares 4:16

¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 5:1

Kuyay warmilä, huertächönami kaykä. Shuntaykämi mïrra perfümitawan kuyaylapaq mushkuq waytakunatapis. Panalnincho kaykaq mishkitapis yawaykänami. Lichitapis vïnutapis upuykänami. Amïgukuna, jimayashqaykiyaq mikuyay, upuyay.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Jeremías 39:4

Sayta rikarmi rey Sedequías lapan soldädunkunawan sakaypa qeshpiyashpan reypa huertan nishqanpa päsar yarquyarqan ishkay murälla nishqan punkupa. Saypitanami Arabá pampapa aywaq nänipa aywakuyarqan.