Daniel 7:18 - Tayta Diospa Wilakuynin

¹⁸ Saypitanami munayyuq Tayta Diosman yärakuqkuna pay mandaykashqanta chaskiyanqa. Say mandashqanchömi imayyaqpis mana ushakaypa paykuna kayanqa>.

Daniel 7:18 ပူးပေါင်းရင်းမြစ်များ

Salmo 45:16

16 (17) Tayta rey, surikikunapis unay aylluykikunanömi rey kayanqa. Paykunatami mandäsiyäshunaykipaq maysay markakunaman churankipaq.

Salmo 49:14

14 (15) Pishtananpaq uyshata apaqnömi say runakunataqa wanuy apaykan. Wanuqkuna kaykäyashqan kaqmanmi apaykan saycho ushakäyänanpaq. Paykunapa wayinqa sepultüralami kanqa. Wanuskiyaptinqa ali runakuna kushikuyanqami.

Isaías 14:2

Nacionninsiman kutimunansipaq maysay runakunami yanapämäshun. Prësu apamaqninsi runakunatapis kikinkunatami prësu sarirkur munayninsicho sararäshun.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Daniel 7:17

Daniel 7:22

Sayno vincirqan imaypis kawaq Awkin shamur kuyashqan runakunapa favornin sharkushqanyaqmi. Favornin sharkuptinnami Tayta Dios mandaykashqanta chaskikuyarqan.

Daniel 7:25

Saynöpis munayyuq Tayta Diospa contranmi parlanqa. Tayta Diosman yärakuqkunatapis fiyupami nakasinqa. Tayta Diospaq rurashqan fiestakunatapis y mandamientunkunatapis trukasiytami munanqa. Tayta Diosman yärakuqkunata kimsa wata soqta killami munaynincho sararanqa.

Daniel 7:27

Saypitanami munayyuq Tayta Diosman yärakuqkuna kay pasacho lapan mandaqpitapis mas mandaq kayanqa. Saynölami munayyuqpitapis mas munayyuq kayanqa y respitash runapitapis mas respitash kayanqa. Tayta Dios mandaykashqan imaypis mana ushakaq kaptinmi kay pasacho lapan nacionkuna payta sirviyanqa>.

Abdías 1:17

Kawaykar quëdaq runakunami isanqa Sión lömaman amparakuyanqa. Say löma sagrädu kaptinmi Jacobpita miraq runakuna salvakuyashpan herencianta shuntayanqa.

Lucas 1:33

Paymi Jacobpita miraq runakunata imayyaqpis mandanqa. Pay mandaykashqanqa imaypis manami ushakanqasu>>.

1 Corintios 6:2

¿Manaku musyayanki Jesucristuta mana yärakuq runakunata juzganansipaq Tayta Dios churamänansipaq kashqanta? Sayno kaykaptinqa imapis kaptin ¿imanirtaq kikikipura arreglayankisu?

Efesios 1:3

¡Señor Jesucristupa Papänin Tayta Dios alabash kaykuläsun! Jesucristucho kashqami gloriacho kaykaq imaykaläya bendicionninkunata qomashkansi.

Efesios 6:12

Noqansi manami runa mayinsiwansu guërracho kaykansi, saypa trukanqa munayyuq supaykunawanmi. Paykunaqa mana rikakaq karpis intëru kay pasachömi imaykatapis mana alikunata ruraykäyan.

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 22:5

Say markachöqa pasapis mananami sakanqanasu. Chipipiyninwan Tayta Dios asikyapaptinmi intitapis ni ima aksitapis nistäyanqanasu. Say runakunami imayyaqpis mandayanqa.

Apocalípsis 3:21

Imano nakarpis mana ajayaypa yärakamuqkunataqa noqawan mandaq kayänanpaqmi churashaq. Satanásta vincishqäpitami noqatapis Taytä churamash paywan imayyaqpis mandaq kanäpaq.

Apocalípsis 5:10

Tayta Diosninsipa makincho kayänanpaq y sirviqnin cürakuna kayänanpaqmi churashkanki. Paykunami pasacho mandaq kayanqa>>.