Daniel 6:7 - Tayta Diospa Wilakuynin

⁷ 7 (8) Lapä autoridäkuna shuntakaykurmi wilanakuyashkä juk leyta rurasinaykipaq. Pipis qamta adorashunaykipa trukan juk diosta o juk runata adoraptinqa leonkuna wichqaräyashqanman qaykush kasun. Say ley kasun kananpita kimsa chunka (30) junaqyaq.

Daniel 6:7 ပူးပေါင်းရင်းမြစ်များ

Salmo 10:9

Machaynincho pakakuykur león shuyaraqnömi pobrikunata shuyaräyan. Redwan sariqnömi mana ali yarpayninkunawan lulapaykäyan.

Salmo 2:2

Manakaqkunata yarparmi nacionkunapa mandaqnin reykunapis guërrata rurayänanpaq kamarikuykäyan. Paykunaqa Tayta Diospa contran y akrashqan reypa contran sharkuyänanpaqmi wilanakur nikäyan:

Salmo 59:3

3 (4) Tayta Dios, imachöpis mana jusalikuykaptïmi munayyuq runakuna wanusiyämänanpaq shuyaraykäyäman.

Salmo 59:5

5 (6) Lapanta mandaq Tayta Dios, qammi kaykanki Israel runakunata kuyaq Dios. Mana cäsukuq yaqa runakunata castigaykulay. Paykunataqa ama kuyapaysu. Selah

Salmo 62:4

4 (5) Qamkunaqa ushakäsiyämänalaykipaqmi yarpachakuykäyanki. Lulakurpis pasaypami kushikuyanki. Janan shonqulami alitupäyämanki. Shonquykichöqa chikiykäyämankimi. Selah

Salmo 83:5

5 (6) Say yarpaylami lapanpis wilanakuyash contrayki sharkuyänanpaq.

Salmo 94:20

¿Mana ali juezkunapa amïgun kankimansuraq? Paykunaqa leykunata mana cäsurmi runakunata nakasiyan.

Daniel 2:4

Saymi say yachaq runakuna arameo idiömacho niyarqan: <<¡Qamla imayyaqpis rey kaykulay! Sueñushqaykita wilaykayälämay imapaq kashqantapis wilayänäpaq>>.

Daniel 3:11

Saynöpis ordenashkanki qonqurpakuykur monumentuta mana adoraq kaqtaqa waylash jornuman qaykasinaykipaqmi.

Daniel 3:2

Saypitanami qayasirqan nacionta mandäsiqninkunata, prefectukunata, gobernadorkunata, yäsikuqkunata, tesorërukunata, juezkunata, marka autoridäkunata y provinciakunacho kaykaq wakin autoridäkunatapis. Paykunata qayasirqan monumentuta ichisishqanpita kushikur fiestata rurayänanpaqmi.

Daniel 3:27

Yarqayämuptinmi paykuna kaqman nación mandäsiqninkuna, prefectukuna, gobernadorkuna y yäsikuqkuna rikaq shuntakäyarqan. Saychömi rikayarqan say maqtakunata ichiklatapis nina mana rupashqanta. Ni aqsalanpis ni mödanankunalapis mana rupash kaptinmi ni rupa rupalapis asyäyarqansu.

Daniel 3:6

Mayqaykipis say monumentuta qonqurpaykur mana adorayaptikiqa jinan hörami fiyupa waylash jornuman qaykuyäshunki>>.

Daniel 6:16

16 (17) Saymi leonkuna kayashqanman jitarpuyänanpaq rey ordenarqan. Nirkurnami Danielta rey nirqan: <<¡Yärakushqayki Diosniki salvaykuläshunki!>>

Daniel 6:22

22 (23) Jusaynaq kashqäta musyarmi angilninta Tayta Diosnï kachamush leonkunapa shiminta sapaptin mana mikayämänanpaq. Tayta rey, qampa contrayki manami imatapis rurashkäsu>>.

Miqueas 6:5

Kuyashqä runakuna, yarpäyay Moab nacionpa mandaqnin rey Balac qamkunapa contrayki sharkushqanta. Sayno sharkuptinpis yarpäyay Beorpa surin Balaam maldicionashunaykipa trukan bendisishushqaykita. Yarpäyay Sitimpita Gilgalyaq Jordán mayuta imano päsayashqaykitapis. Saykunata yarparmi tantiyakuyanki noqa Tayta Diosniki qamkunata imaypis salvashqäta>>.

Nahum 2:12

12 (13) Uywakunata wanusiq leonkunanömi Nínive runakuna kayarqan. Saymi contrankunata ushakaykasir markanman imaykatapis apaykur aypunakuyaq. Saynöpami wayinkunamanpis suwakuyashqanta juntayaq.

Mateo 12:14

Saypitanami fariseukuna yarquriyashpan Jesústa wanusiyänanpaq wilanakuyarqan.

Mateo 26:4

Saychömi wilanakuyarqan runakunata mana musyasiylapa Jesústa sarirkur wanusiyänanpaq.

Marcos 15:1

Pasa waraykaptinnami mandaq cürakuna, Israel mayor runakuna, ley yachasiqkuna y lapan Sanedrín juezkunapis shuntakaykur wilanakuyarqan Jesústa wanusiyänanpaq. Wilanakuskirnami Jesústa liyarkur Pilatuman apasiyarqan.

Juan 12:10

Saymi mandaq cürakuna Lázarutapis wanusiyta munayarqan.