Daniel 5:1 - Tayta Diospa Wilakuynin

¹ Babiloniapa mandaqnin rey Belsasar fiestata rurarmi waranqa (1,000) mandäsiqkunata qayasirqan juntu mikuyänanpaq. Saychömi paykunawan vïnuta upuyarqan shinkäyashqanyaq.

Daniel 5:1 ပူးပေါင်းရင်းမြစ်များ

Génesis 40:20

Saypita kimsa junaqtami Faraónpa diyan karqan. Saymi Faraón mandäsiqnin runakunawan fiestata rurar mikur y upur qoyäyarqan. Say junaqmi carcilpita jorqasimurqan tanta ruraqkunapa y vïnu ruraqkunapa mandaqninkunata.

Ester 1:3

Kimsa wata mandaq kaykarmi fiestata rey Asuero rurarqan lapan mandäsiqninkunapaq, Persiacho y Mediacho soldädukunapa capitanninkunapaq y provinciakunapa autoridäninkunapaq.

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Isaías 22:14

Sayno kayaptikimi lapanta mandaq Tayta Dios nimarqan: <>. Lapanta mandaq Tayta Diosmi sayno nish.

Jeremías 50:35

Tayta Diosmi nin: <<¡Babilonia markakunacho guërrala kasun! ¡Mandaqninkunapaq y yachaq runakunapaqpis guërrala kasun!

Jeremías 51:39

Malaqaykäyashqan hörami juk banquëtita paykunapaq churapäshaq. Say banquëticho mikur upyarmi shinkash punukäkuyanqa. Saypitaqa manami imaypis rikchayämunqanasu. Noqa Tayta Diosmi sayno nï.

Jeremías 51:57

Babilonia runakunata castigashaq mandaqninkunata, yachaq runakunata, capitanninkunata, autoridäninkunata y soldädunkunatapis. Aysayashqanyaq shinkash runa punukashqanno rikakur manami imaypis rikchayämunqanasu>>. Saynömi nin mandamaqninsi rey. Jutinpis lapanta mandaq Yahwehmi kaykan.

Daniel 5:30

Say sakaymi Babilonia runakunapa mandaqnin rey Belsasarta wanusiyarqan.

Nahum 1:10

Shatayash shirakata y saki oqshata nina rupar ushaqnömi ushakäsinqa.