Daniel 4:1 - Tayta Diospa Wilakuynin

¹ 1 (3.31) Rey Nabucodonosormi maysay markakunaman, nacionkunaman y ima idiömata parlaq runakunamanpis cartakur nirqan: Qamkunacho ali kaway kaykuläsun.

Daniel 4:1 ပူးပေါင်းရင်းမြစ်များ

1 Crónicas 12:18

18 (19) Saychömi karqan Kimsa Chunka niyashqan alinnin kaq soldädukunapa capitannin Amasai. Espíritu Santu parlasiptinmi Amasai nirqan: <<¡Makiki chakikichömi kaykäyä, tayta David! ¡Qamwanmi imaypis kaykäyäshaq, Isaípa surin David! ¡Tayta Dios yanapaykäshuptikiqa qampaqpis y yanapäshuqnikikunapaqpis ali kaway kaykuläsun!>> Amasai sayno niptinmi paykunata David churarqan soldädunkunapa capitannin kayänanpaq.

Esdras 4:17

Saypitanami rey Artajerjes cartakur nirqan: Gobernador Rehum, secretariu Simsai, Samariacho taq runakuna y Éufrates mayu wak simpan provinciacho taq runakuna, qamkunatami winchikü.

Esdras 5:7

Say cartachömi nirqan: Tayta mandaq Darío, qamtami winchikayämü.

Ester 3:12

Saymi punta kaq killa chunka kimsa kaq junaqcho rey Asuerupa secretariunkunata Amán qayaykasir ordinta qelqasirqan. Rey mandashqan provinciakunacho y markakunacho aska idiömata parlayaptinmi say ordinta qelqayarqan lapan idiömakunacho y runakuna imanöpis qelqayashqan estïluncho. Qelqarkasirnami apasirqan reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Ordincho nishqanta cumpliyänanpaqmi rey Asuerupa jutinta churarkur anïllunwan sëllayarqan.

Ester 8:9

Rey Asuero sayno nirmi secretariunkunata jukla qayasirqan. Say junaq karqan kimsa killacho ishkay chunka kimsa (23) junaqmi. Kimsa kaq killapa jutinmi karqan Siván. Secretariunkuna chämuptinmi Mardoqueo say ordinta qelqasirqan Israel runakunapaq, reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Saynöpami say órden karqan rey Asuero mandashqan pachak ishkay chunka qanchis (127) provinciakunacho taq autoridäkunapaq. Say provinciakuna kayarqan India nacionpita qalaykur Etiopía nacionyaqmi. Pïmaypis tantiyananpaqmi ordinta qelqayarqan rey mandashqan lapan provinciakunacho taq runakuna parlayashqan idiömakunacho y imanöpis qelqayashqan estïluncho. Saynölami qelqayarqan Israel runakuna parlayashqan idiömacho y qelqayashqan estïluncho.

Daniel 3:29

Manami ima diospis saynöqa salvansu. Pï runatapis Sadrac, Mesac y Abed-nego adorayashqan Diospa contran parlaq kaqtaqa ichik ichikla roquykar ushakäsiyäsun. Wayinkunatapis rupasiyäsun. Sayno kasun may nacionpita kaptinpis y ima idiömata parlaptinpis>>.

Daniel 3:4

Saychömi wilakuq runa sinchipa qayakur nirqan: <

Daniel 6:25

25 (26) Saypitanami rey Darío juk leyta qelqarkur apasirqan may markacho y may nacioncho taqkunaman y ima idiömata parlaqkunamanpis. Say leychömi nirqan: <

Daniel 6:27

27 (28) Paymi rikamansi y ima peligrupitapis sapämansi. Paymi jana pasacho espantaypaq kaqkunata rikakäsimun. Kay pasachöpis milagrukunatami ruran. Paymi leonkunapitapis Danielta sapash>>.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Zacarías 8:23

Lapanta mandaq Tayta Dios karmi nï: Say wisanmi maysay nacionpita karpis y ima idiömata parlaq karpis chunka runakuna Judá nación juk runata mödananpita sarirkur ruwakuyanqa: <> nir.

Hechos 2:6

Shukukuyno qaparashqanta wiyayashpanmi ima päsashqantapis rikaq aywayarqan. Jukninpis jukninpis markancho parlayashqan idiömata parlaykäyaqta wiyarmi mansakash rikakuyarqan.

Romanos 1:7

Romacho taq yärakuq mayïkuna, Tayta Dios kuyayäshushpaykimi wamrankuna kayänaykipaq qayayäshushkanki. Papäninsi Tayta Dios y Señor Jesucristo kuyapäyäshushpayki ali kawayänaykipaq yanapaykuyäläshunki.

Efesios 1:2

Papäninsi Tayta Dios y Señor Jesucristo kuyapäyäshushpayki ali kawayänaykipaq yanapaykuyäläshunki.

1 Timoteo 1:2

Timoteo, Jesucristuman yärakushpayki kuyay surïno kaptikimi kay cartata cartakaykämü. Papäninsi Tayta Dios y Señor Jesucristupis kuyapäshushpayki ali kawanaykipaq yanapaykuläshunki.

1 Pedro 1:2

Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.