Daniel 10:6 - Tayta Diospa Wilakuynin

⁶ Cuerpunpis berilo ruminöraqmi chipipirqan. Qaqlanpis elqukuynöraqmi chipipirqan. Nawinkunapis aksinöraqmi asikyarqan. Rikrankuna y chakinkunapis chipipiykaq broncinömi karqan. Aska runakuna parlaykaqnöraqmi parlashqanpis wiyakarqan.

Daniel 10:6 ပူးပေါင်းရင်းမြစ်များ

Éxodo 28:20

Chusku kaq fïlamanna churasinki berilo rumita, ónice rumita y jaspe rumitapis. Say rumikuna mana yarqunanpaq qoripita sararäkunanta ruraykasir sigurasinki.

Cantares 5:14

Makinkunapis jacinto rumikunawan adornash qori sortïjanömi. Cuerpunpis zafiro rumikunawan adornash kuyaylapaq marfilnömi kaykan.

Ezequiel 1:14

Runa niraqkunata rikaykashqäkunaqa elqukuynömi wakläpa kayläpapis aywariyaq.

Ezequiel 1:16

Say chuskun ruëdakunaqa say niraqlami kayarqan. Crisólito ruminömi chipipiyninpis karqan. Cada ruëda chawpinchömi juk ruëda cruzaypa ichiraykarqan.

Ezequiel 1:24

Paykuna aywayaptin riprankuna sapsapyashqan sinchipami wiyakarqan. Say karqan fiyupa jakash mayu bunyashqanno, lapanpaq munayyuq Tayta Diospa vozninno, saysika runakuna parlayashqanno y aska soldädukuna qaparäyashqannömi. Aywaykäyashqancho ichikuykuyaptinqa riprankunapis shuntakäkuqmi.

Ezequiel 1:7

Chankankunaqa derëchulami karqan. Shilunkunanami becërrupa shilunno karqan. Lushukyashqanyaq kupash broncinöraqmi chakinkuna y shilunkuna chipipirqan.

Ezequiel 10:9

Nirkurnami querubinkunapa jawancho chusku ruëdakuna kaykaqta rikarqä. Cada querubinpa jawanchömi juk ruëda kaykarqan. Imayka crisólito ruminömi say ruëdakuna kuyaylapaq chipipirqan.

Ezequiel 40:3

Sayman chäsimaptinmi broncipita rurash niraq runata rikarqä. Lïnupita rurash cordilnin y tupukuna varïllan aptashqami punku nawpancho ichiraykarqan.

Ezequiel 8:2

Saymi nukirkushqächo rikarqä runa niraq ichiraykaqta. Paymi seqlanpita jawamanpa nina rataykaqno karqan. Seqlanpita janamanpanami chipipiykaq broncino karqan.

Mateo 17:2

Saychömi paykunapa rikanancho Jesús jukniraqman tikrarqan. Saymi qaqlanpis intinöraq chipipirqan y mödananpis pasaypa yuraq rikakur empañakuyparaq asikyarqan.

Mateo 28:3

Say ángel elqukuynöraqmi asikyarqan. Mödananpis rashtano yuraqmi karqan.

Lucas 9:29

Tayta Diosta Jesús manakuykaptinmi qaqlanpis chipipirqan y mödananpis pasaypa yuraq rikakur empañakuyparaq asikyarqan.

Apocalípsis 10:1

Saypitanami rikarqä munayyuq ángel pukutaycho jana pasapita uraykämuqta. Uman jananchömi seqyaw ichiraykarqan. Qaqlanpis intinömi chipipirqan. Chankankunapis junishta nina sharkuqnöraqmi karqan.

Apocalípsis 19:12

Nawinkunapis ninanöraqmi asikyarqan. Umanchömi aska corönakunata jatirarqan. Saychömi juk jutin qelqararqan. Say jutitaqa kikilanmi musyarqan.

Apocalípsis 2:18

<

Apocalípsis 21:20

pisqa kaqmi karqan ónice rumi, soqta kaqmi karqan cornalina rumi, qanchis kaqmi karqan crisólito rumi, puwaq kaqmi karqan berilo rumi, esqun kaqmi karqan topacio rumi, chunka kaqmi karqan crisopraso rumi, chunka juk kaqmi karqan jacinto rumi y chunka ishkay kaqnami karqan amatista rumi.