Daniel 1:17 - Tayta Diospa Wilakuynin

¹⁷ Say chuskun maqtakunata Tayta Dios yachayta qormi yanaparqan Babilonia runakuna qelqayashqan röllukunata liyiyänanpaq y yachasishqankunata shumaq yachakuyänanpaq. Saynöpis Danielta yanaparqan pipis revelación chaskishqanta tantiyananpaq y runakuna imapaq sueñuyashqantapis musyananpaq.

Daniel 1:17 ပူးပေါင်းရင်းမြစ်များ

1 Reyes 3:12

Saymi manakamashqaykino yanapäshayki ali tantiyakuq y yachaq kanaykipaq. Qam yachaq kashqaykinöqa manami pipis kashsu ni imaypis kanqasu.

1 Reyes 3:28

Say warmikuna demandanakuyashqanta rey Salomón shumaq arreglashqanta musyarmi lapan runakuna tantiyakuyarqan yachaq kananpaq Tayta Dios yanapashqanta. Saymi lapan runakunapis rey Salomónta respitayarqan.

2 Crónicas 1:10

Kuyashqayki Israel runakunata shumaq mandanäpaq ali yarpayta y yachayta qoykalämay. Yarpaynï shumaq mana kaptinqa kaysika runakunata manami mandayta kamäpakushaqsu>>.

2 Crónicas 1:12

Saymi manakamashqaykinöla yanapäshayki ali tantiyakuq y yachaq kanaykipaq. Saynölami yanapäshayki rïcu kanaykipaq y ali respitash kanaykipaqpis. Punta kaq reykunapis manami qam kanaykipaq kashqannöqa kayashsu. Saynölami qepa yaykuq reykunapis qammanqa iwalayanqasu>>.

2 Crónicas 26:5

Tayta Diosman yärakur kawananpaqmi Uzíasta Zacarías yäsirqan. Zacarías kawashqanyaqqa Tayta Dios munashqannömi Uzías kawarqan. Sayno kawaptinmi lapanchöpis Tayta Dios yanaparqan.

Job 32:8

Sayno kaptinpis lapanpaq munayyuq Tayta Diosmi tantiyakuyta qomansi. Tantiyakuq kanansipaqmi Espïritunwan tantiyasimansi.

Proverbios 2:6

Tantiyakuq kanaykipaqqa Tayta Diosmi yachayta qoshunki. Paypitaraqmi tantiyakuytapis y yachaytapis chaskinki.

Eclesiastés 2:26

Kuyashqan kaqtami Tayta Dios yanapan tantiyakuq, yachaq y kushish kawananpaq. Jusalikur kawaq runatami isanqa kachariykun. Saymi say runa arun Tayta Dios munashqanno kawaq runa provichanalanpaq. Mayjina arurpis wayrata sariyta munaqnölami kaykan.

Isaías 28:26

Sayno shumaq arunansipaq Tayta Diosmi yarpayta qomansi.

Ezequiel 28:3

¿Danielpitapis mas musyaq yachaqsuraq kanki? ¿Aja tantiyay kaqkunatapis lapantasuraq tantiyanki?

Daniel 1:18

Rey Nabucodonosor nishqanno kimsa wata yacharkasirnami reypa nawpanman say maqtakunata Aspenaz pusharqan.

Daniel 1:20

Mayjina aja kaqkunata rey tapuptin maysaycho brüjukunapita y rikakuqkunapitapis chunka kuti masmi tantiyayarqan.

Daniel 1:4

Say pushayashqan maqtakuna kayarqan sänu, kuyaylapaq, shumaq tantiyakuq, yachasiptin jukla yachakuq y ali yachaq. Saymi paykuna ali kayarqan reypa palaciuncho sirviyänanpaq, Babilonia runakuna qelqayashqankunata estudiayänanpaq y parlayashqan idiömata yachakuyänanpaq.

Daniel 10:1

Kimsa watana Persia nacionpa mandaqnin rey Ciro kaykaptinmi Beltsasar jutiyuq Danielta Tayta Dios revelarqan. Say revelacioncho wilashqankuna rasunpaypa päsananpaqmi kaykan. Aja tantiyay kaptinpis imapaq kashqanta Daniel tantiyarqanmi.

Daniel 2:19

Say sakaymi Danielta Tayta Dios revelarqan Nabucodonosor imata sueñushqanta y imapaq say suëñu kashqantapis. Saymi Danielqa jana pasacho kaykaq Tayta Diosta alabashpan

Daniel 2:21

Qammi kamakäsinki ima päsananpaq kaqtapis. Tiempukunatapis qammi kamakäsinki. Reykunatapis churanki y trukasinki. Yachaqkunatapis mas yachayta qonki. Tantiyakuqkunatapis mas tantiyasinki.

Daniel 2:23

Unay ayllükuna adorayashqan Tayta Dios, qamtami agradëcikur alabä. Manakushqäta wiyamarmi yachayta qomashpayki shumaq tantiyasimashkanki rey Nabucodonosor imata sueñushqantapis>>.

Daniel 2:30

Manami wakin runakunapita mas yachaq kaptïsu say sueñushqaykita musyasimash, sinöqa imapaq kashqantapis musyanaykipaqmi.

Daniel 4:6

6 (3) Saymi Babiloniacho lapan yachaq runakunata qayasirqä sueñushqä imapaq kashqantapis tantiyasiyämänanpaq.

Daniel 5:14

Qampaqmi wilayämash dioskuna shumaq yanapäyäshushqaykita. Sayshi shumaq tantiyaptiki imapis qampaq ajasu.

Daniel 7:1

Babilonia nacioncho rey Belsasar juk wata mandaykaptinmi sueñuynincho revelacionta Daniel rikarqan. Rikashqankunata qelqaykurmi

Daniel 8:1

Belsasar kimsa wata rey kaykaptinmi noqa Daniel yapay revelacionta rikarqä.

Números 12:6

Tayta Dios nirqan: <

Lucas 21:15

Noqami tantiyasishayki imata niyänaykipaqpis. Saymi chikiyäshuqnikikunapis ima niytapis kamäpakuyanqasu.

Hechos 6:10

Espíritu Santupa munayninwan shumaq tantiyakuykur parlaptinmi Estebanta upälasiyta kamäpakuyarqansu.

Hechos 7:10

imayka desgraciapitapis salvanaq. Tantiyakuq kananpaq yanapaptinshi Egipto nacionpa mandaqnin Faraón payta churanaq palaciuncho aruqkunata mandananpaq y Egipto naciontapis mandäsinanpaq.

Hechos 7:22

Saychöshi Egipto runakuna estudiayashqanta Moiséspis yachakunaq. Shumaq yarpayyuq karshi imatapis ali ruranaq y ali parlanaq.

Colosenses 1:9

Sayno kawayashqaykita musyayashqä junaqpita pasami imaypis Tayta Diosta manakuykäyä Espíritu Santu yachayta qoyäshuptiki Tayta Dios munashqanno kawayänaykipaq.

Santiago 1:17

Lapan alikunata chaskiyashqaykiqa asikyaqkunata kamaq Taytansipitami kaykan. Payqa manami lantuy päsaqnösu, sinöqa imaypis kashlanmi kaykan.

Santiago 1:5

Mayqaykipis Tayta Dios munashqanno kawayta mana kamäpakurqa tantiyasishunaykipaq payta manakuyay. Manakuyaptikiqa tantiyasiyäshunkimi. Manakuq kaqtaqa imaypis yanapanmi.