Cantares 8:2 - Tayta Diospa Wilakuynin

² Makipita janchakurkurmi mamäpa wayinman pushäman. Saychömi kuyakuq kayta yachasimankiman. Granädapita qapsish yakunwan talurkurmi noqapis alinnin kaq vïnuta qaräman.

Cantares 8:2 ပူးပေါင်းရင်းမြစ်များ

Proverbios 9:2

Wayi ushaytanashi uywakunata pishtaykur ali alilata yanukasinaq. Saynöshi ali vïnuta ruraykur mikuynintinta mësaman sirvisinaq.

Cantares 3:4

Paykunapita päsaskilarmi kuyanakushqäwan tinkushkä. Makalakurkurmi mana kachaypa mamäpa wayinman chäsishkä. Yurishqä cuartumanmi yaykasishkä.

Cantares 4:10

Kuyamashqaykiqa shonqüyaqraqmi chaykun. Kuyamashqaykiqa vïnupitapis mas alimi kaykan. Perfümiwan lushikushqaykipis lapan perfümikunapita masmi mushkuykun.

Cantares 7:12

12 (13) Pasa wararkuptinnami üva chakrakunapa aywashun. Saycho rikamushun mä üvakuna maynakush mukluraykan y granädapis maynakush tukturaykan. Saychömi munashqaykita yawasishayki.

Cantares 7:9

9 (10) y shimiki alinnin vïnuno seqaypa mishkiykaqta. Musamaptikimi vïnuta upuptï kirüpa y qallüpa mishkir päsarpuqno kaykan.

Cantares 8:1

¡Ima aliraq kanman mamäpa chuchunta chuchur qeshpiq turï kaptiki! Sayno kaptikiqa cällicho tinkushpansi musarkuptïpis manami pipis jamurämanmansu.

Juan 5:39

<

Gálatas 4:26

Abrahampa warmin Saranami Tayta Dios rurashqan mushuq pactuno kaykan. Say pactuta Tayta Dios cumplir salvamaptinsimi noqansipa markansi jana pasacho kaq Jerusalén kanqa.

2 Timoteo 3:15

Saynöpis musyankimi wamra kashqaykipita pasa Tayta Diospa palabranta yachasiyäshushqaykita. Diospa palabranmi tantiyasishushkanki Jesucristuman yärakur salvakunaykipaq kashqanta.

2 Pedro 1:19

Saymi masraq tantiyansi profëtakuna wilakuyashqan rasunpaypa kashqanta. Sayno kaykaptinqa profëtakuna qelqayashqankunata shumaq cäsukuyay. Saykunaqa sakaycho aksi asikyapämashqansinömi kaykan. Sayno cäsukuyay pasa waraptin waraq qoyllar shonquykikunacho asikyashqanyaq.

Apocalípsis 19:10

Sayno nimaptinmi angilta adoranäpaq lätakuykurqä. Saymi nimarqan: <<¡Noqata ama adoramaysu! Noqapis qamnöla y yärakuq mayikikunanölami Tayta Diospa sirviqnin kaykä. ¡Tayta Dioslata adorayqa! Lapan wilakushqäpis Jesucristo alabash kananpaqmi kaykan>>.