Cantares 8:12 - Tayta Diospa Wilakuynin

¹² Salomón, say runakunapita waranqa qellayta chaskiptikipis y chakra rikaqkunata ishkay pachak (200) qellayta pägaptikipis noqaqa üva chakräta kikïmi rikakü.

Cantares 8:12 ပူးပေါင်းရင်းမြစ်များ

Proverbios 27:18

Hïgusta cuidaq runaqa wayuyninta mikur kushikunmi. Patronnin nishqanta cäsukuq runapis ali rikash karmi kushikun.

Proverbios 4:23

Shonquyki alita yarpaptinqa alimi kawanki. Sayno kaykaptinqa lutanta mana yarpänaykipaq shonquykita shumaq cuidakuy.

Cantares 1:6

Shanaywan yanayash kashqätaqa ama rikapäyämaysu. Turïkunami rabyapäyämashpan üva chakrakunata täpanäpaq churayämarqan. Saymi kikïpa üva chakräta cuidashkäsu.

Cantares 2:3

Munti rurincho manzäna wayuraykaqnömi qamqa lapan maqtakunapitapis mas kuyaylapaq kaykanki, kuyaynï. Nawpaykiman jamaykurqa manami yarquytapis munäsu. Mishkinömi kuyakuynikipis kaykan.

Cantares 8:11

Baal-hamónchömi Salomónpa üva chakran karqan. Say chakrantami runakunata arriendakuykuyarqan. Cada cosëcha ushaymi cada ünun waranqa (1,000) qellayta arriendunpita pägayaq.

Cantares 8:13

Huertakunacho jamakuq reina, amïgükuna maya mayalami kaykäyan parlashqaykita wiyayänanpaq. Noqapis wiyanäpaq imalatapis parlarkalämuy.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

1 Corintios 6:20

Qamkunataqa Tayta Diosmi rantiyäshushkanki. Saymi mana jusalikuypa pay munashqanno kawayänayki.

2 Corintios 5:15

Manami kikinsi munashlansita rurar kawakunansipaqsu Jesucristo wanush, sinöqa pay munashqannöna kawanansipaqmi. Payqa wanurpis noqansi raykumi kawarimush.

1 Tesalonicenses 2:19

Sapata churapäyämaptinpis qamkunami premiuta chaskishqä corönä kaykäyanki. Saymi Señor Jesucristo kutimuptin paypa nawpancho qamkunapita pasaypa kushikuyäshaq.