Cantares 7:8 - Tayta Diospa Wilakuynin

⁸ 8 (9) Wayuyninta palakurkunäpaq palma jachamanmi wisayta munä. Saychömi tarishaq sartanpa üvano chuchuyki kaykaqta, jämayniki poqush manzänano mushkuykaqta

Cantares 7:8 ပူးပေါင်းရင်းမြစ်များ

Cantares 1:3

Perfümikipa mushkuynin maypis mushkuräkuy munaymi. Jutikipis perfüminöraqmi kuyaylapaq kaykan. ¡Saymi jipashkunapis seqaypa kuyayäshunki!

Cantares 2:3

Munti rurincho manzäna wayuraykaqnömi qamqa lapan maqtakunapitapis mas kuyaylapaq kaykanki, kuyaynï. Nawpaykiman jamaykurqa manami yarquytapis munäsu. Mishkinömi kuyakuynikipis kaykan.

Cantares 2:5

Qamta kuyaptïmi shonqüpis shonqunasu. Päsasnikitawan manzänaykita jukla qaramay.

Cantares 4:16

¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 7:7

7 (8) Palma jacha ichiraykaqnömi kuyaylapaq jatunkaray kaykanki. Chuchuykipis palma jachapa wayuynin warkuraykaqnömi kaykan.

Jeremías 32:41

Ali kawayänanpaqmi kushish yanapäshaq. Lapan shonqüwan kuyashpämi plantata plantaqno paykunata kay nacioncho sararäshaq. Say nishqätaqa cumplishaqmi.

Joel 1:12

Üvapa yürankunapis sakikäkuyashnami. Hïguskunapis ushakäyashnami. Granädakunapis, palmërakunapis, manzänapa yürankunapis y lapan plantakunapis sakishnami kaykäyan. Saymi runakunapis pasaypa mansakash kaykäyan.

2 Corintios 2:14

¡Tayta Diostami agradëcikü! Paymi Jesucristucho kayaptï imaypis yanapaykäyäman. Saymi wilakuyaptï maysaychöpis runakunata tantiyasin Jesucristuta chaskikur payta reqiyänanpaq.