Cantares 6:9 - Tayta Diospa Wilakuynin

⁹ kuyashqä palumalämi lapanpitapis mas kuyaylapaqqa. Paytami mamanpis pasaypa kuyan. Jipashkunapis rikayashpanmi kuyaylapaq kashqanpita felicitayan. Reypa warminkunapis y concubïnankunapis ali warmi kashqantami parlayan.

Cantares 6:9 ပူးပေါင်းရင်းမြစ်များ

Génesis 30:13

Saymi Lea nirqan: <>. Sayno nirmi wamrata jutisirqan Aser jutin kananpaq.

1 Reyes 11:3

Salomónpa warminkuna qanchis pachakmi (700) kayarqan. Saynölami concubïna warminkunapis kimsa pachak (300) kayarqan. Say warmikunami Salomónta ïdulukuna adorayman jitarpuskiyarqan.

Salmo 126:2

Saymi pasaypa kushikur Tayta Diosta alabarqansi. Juk nacioncho taq runakunapis kaynömi niyarqan: <<¡Espantaypaq kaqkunata rurarmi paykunata Tayta Dios yanapash!>>

Salmo 45:9

9 (10) Palaciuykichöqa princesakunapis askami kaykäyan. Aluq kaq nawpaykichömi majasakänaykipaq kaq reina jamaraykan. Paypa mödananqa Ofirpita apamushqan qori püruwan adornashqami kaykan.

Cantares 2:14

Kuyashqä palumita, qaqakunacho y sunyaq jirkakunacho amana pakakuynasu. Parlashqaykita wiyaytami munä; qaqlaykita rikaytami munä. Qam parlashqaykiqa maypis wiyaräkuy munaymi. Qaqlaykipis kuyaylapaqmi.

Cantares 5:2

Punurpis maya mayalami punuykarqä. Sayno punuykashqächömi kuyaynï qayakamuqta wiyarqä. ¡Kuyaylapaq palumita, punkuykita kichapaykalämay! ¡Umäpis shulyatashqami kaykan! ¡Sakay shulya yakumi umäpitapis jutuykan!

Números 23:9

Kay puntapitami Israel runakunata rikaykä. Kay jirkapitami imano kayashqantapis tantiyakuykä. Wakin nación runakunapita rakikashqami taykäyan. Paykunawan manami talukäyansu.

Gálatas 4:26

Abrahampa warmin Saranami Tayta Dios rurashqan mushuq pactuno kaykan. Say pactuta Tayta Dios cumplir salvamaptinsimi noqansipa markansi jana pasacho kaq Jerusalén kanqa.

Deuteronomio 33:29

Israel runakuna, qamkunatami Tayta Dios kuyayäshunki. Qamkunano kushish kawayta ¿piraq munanmansu? Qamkunataqa Tayta Diosmi salvayäshushkanki. Paymi imaykapitapis sapäyäshunaykipaq escüdu kaykan. Paymi contraykikunata vinciyänaykipaq espäda kaykan. Pay yanapäyäshuptikimi chikishuqnikikunatapis asulayanki. Diosninkunata adorayänan altarninkunatapis juchusiyanki>>.

2 Tesalonicenses 1:10

Sayno kanqa Señor Jesucristo kay pasaman kutimuptinmi. Say junaqmi payman yärakuqkuna seqaypa kushikur alabayanqa. Saychömi qamkunapis Jesucristupa ali wilakuyninta wilakuyashqäta cäsukuyashqaykipita kushish alabayanki.