Cantares 6:4 - Tayta Diospa Wilakuynin

⁴ Kuyaynï, qamqa Tirsa markanöpis y Jerusalén markanöpis kuyaylapaqmi kaykanki. Aska soldädukuna pelyaman aywayashqan admiraypaq kashqannömi kuyaylapaq kashqaykipis admiraypaq kaykan.

Cantares 6:4 ပူးပေါင်းရင်းမြစ်များ

1 Reyes 14:17

Sayno wilaykuptinmi Jeroboampa warmin kutikurqan tashqan Tirsa markaman. Wayinman yaykuykaptinmi wamran päsarpurqan.

1 Reyes 15:21

Say markakunata atacayashqanta musyaykurmi rey Baasaqa Ramá markacho cuartilta sharkasinanpaq shuntasishqankunata kachariykur Tirsaman kutikuyarqan.

1 Reyes 15:33

Judá nacioncho Asa kimsa watana rey kaykaptinmi Israel nacioncho Ahíaspa surin Baasa rey kayman yaykurqan. Paymi Tirsa markapita Israel runakunata mandarqan ishkay chunka chusku (24) wata.

Salmo 48:2

2 (3) Sión lömaqa kuyaylapaqmi kaykan. Say lömata rikarmi intëru kay pasacho runakuna kushikuyan. Nortilächömi say löma kaykan. Lapanpaq munayyuq Reymi saycho taykan.

Salmo 48:3

3 (4) Tayta Diosmi rikachakuna törrikunapita Jerusalén markata rikaykan. Paymi Jerusaléncho taqkunata imapitapis sapan.

Salmo 50:2

Tayta Diosqa Sión lömapita pasami chipipiykämun. Say lömaqa lapanpitapis mas kuyaylapaqmi kaykan.

Cantares 1:15

Selläma kuyaylapaqmi kaykanki, kuyaynï. Maypis kuyaykuy munaymi kaykanki. Nawikipis ishkay palumano kuyaylapaqmi kaykan.

Cantares 1:5

Jerusalén jipashkuna, yanala karpis Cedar runakunapa toldunno kuyaylapaqmi kaykä. Salomón rurasishqan cortïnakunano kuyaylapaqmi kaykä.

Cantares 2:14

Kuyashqä palumita, qaqakunacho y sunyaq jirkakunacho amana pakakuynasu. Parlashqaykita wiyaytami munä; qaqlaykita rikaytami munä. Qam parlashqaykiqa maypis wiyaräkuy munaymi. Qaqlaykipis kuyaylapaqmi.

Cantares 4:7

¡Kuyaynï, qamqa kuyaylapaqmi kanki! ¡Chaki puntaykipita uma jirkaykiyaq kamaraqlami kaykanki!

Cantares 5:2

Punurpis maya mayalami punuykarqä. Sayno punuykashqächömi kuyaynï qayakamuqta wiyarqä. ¡Kuyaylapaq palumita, punkuykita kichapaykalämay! ¡Umäpis shulyatashqami kaykan! ¡Sakay shulya yakumi umäpitapis jutuykan!

Cantares 6:10

Manami pipis kansu kuyashqayki jipashnöqa. Waraq qoyllar aksiyaqnömi y killa kuyaylapaq kashqannömi kaykan. Inti chipipiykaqnömi kuyaylapaq kaykan. Aska soldädukuna pelyaman aywayashqan admiraypaq kashqannömi kuyaylapaq kashqanpis admiraypaq kaykan.

Lamentaciones 2:15

Nänipa päsaqkunapis kushipäyäshurnikimi paqchipäyäshunki. Manakaqman churayäshushpayki shukar umankunatapis awirraqmi niyäshunki: <<¡Atatalay! ¿Taqaychi may markapitapis mas kuyaylapaq marka karqan? ¿Taqay markapitachi maysaychöpis runakuna kushikuyarqan?>>

Zacarías 12:3

<>.

2 Corintios 10:4

Noqakunapa armäkunaqa manami runakuna manijayashqan armakunasu kaykäyan, saypa trukanqa Tayta Dios kamaripäyämashqan armakunami. Say armakunawanmi contrankunata ushakäsiq soldäduno kaykä.

Efesios 5:27

Saymi kikinpa nawpanman pushanqa asikyaypa asikyaykaqta, jusaynaqta, santuta y pay munashqanno kaykäyaqta.

Apocalípsis 21:2

Saynölami [noqa Juan] rikarqä mushuq Jerusalén sagrädu markatapis Tayta Diospa nawpanpita uraykämuqta. Say markami casarananpaq mushuq mödanan jatish jipashno kuyaylapaq kaykarqan.