Cantares 5:1 - Tayta Diospa Wilakuynin

¹ Kuyay warmilä, huertächönami kaykä. Shuntaykämi mïrra perfümitawan kuyaylapaq mushkuq waytakunatapis. Panalnincho kaykaq mishkitapis yawaykänami. Lichitapis vïnutapis upuykänami. Amïgukuna, jimayashqaykiyaq mikuyay, upuyay.

Cantares 5:1 ပူးပေါင်းရင်းမြစ်များ

Génesis 37:25

Saypitanami mikapakur jamaraykäyashqancho rikaskiyarqan ismaelita runakuna askaq shamuykäyaqta. Paykunami camëllunkunawan Galaadpita apaykäyarqan perfümikunata, balsamuta y mïrrata Egiptucho rantikuyänanpaq.

Salmo 147:11

Saypa trukanqa kushikun payta mansapakushqami. Saynöpis kushikun pay kuyakuq kashqanman yärakushqami.

Salmo 16:3

Kay pasacho munashqaykino kawaq santu runakuna rasunpaypami ali runakuna kaykäyan. Paykunapita lapan shonqüwanmi kushikü.

Proverbios 24:13

Abëjapa mishkinta mikuy, hïju. Kawkayparaq mishkishqanta musyanaykipaq yawarkuy.

Proverbios 9:5

<

Eclesiastés 2:5

Huertata ruraykasirmi imayka niraq waytakunatapis plantasishkä. Saynölami tukuy casta frütakunatapis plantasishkä.

Cantares 1:13

Taksha walqiwan sararashqä mïrra perfümi qasqulächo kashqannömi kuyaynïpis qasqulächo warati punun.

Cantares 4:16

¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 4:8

Kuyay warmilä, Líbanupita nawpäman shamuykulay. Líbano jirkakunacho kashqaykipita shamuykulay. Amaná niyashqan puntapita shamuykulay. Senir niyashqan Hermón jankapita shamuykulay. Leonkuna tänan machaypita y tigrikuna tänan puntapita shamuykulay.

Cantares 6:11

Nogal jachakuna kaykäyashqan huertamanmi yaykushkä. Sayman yaykushkä mayu kuchun pampa verdiraykaqta rikanäpaq, üva chinkiraykaqta rikanäpaq y granäda tukturaykaqta rikanäpaqmi.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Cantares 8:1

¡Ima aliraq kanman mamäpa chuchunta chuchur qeshpiq turï kaptiki! Sayno kaptikiqa cällicho tinkushpansi musarkuptïpis manami pipis jamurämanmansu.

Cantares 8:13

Huertakunacho jamakuq reina, amïgükuna maya mayalami kaykäyan parlashqaykita wiyayänanpaq. Noqapis wiyanäpaq imalatapis parlarkalämuy.

Isaías 23:18

Isanqa manami kikinkunapaqnasu gänayashqanta shuntayanqa, sinöqa Tayta Diospaqnami. Tiro runakuna gänayashqanwanmi Tayta Diosta sirviqkuna pacha junta mikuyanqa y ali mödanata jatikuyanqa.

Isaías 5:1

Yanasäpa jutinchömi üva chakrapaq kayno cantashaq: Yanasäpami lömacho ali wayuq üva chakran karqan.

Isaías 51:3

Saynölami raqäla kaykaq Siónmanpis bendicionnïta yapay churashaq. Sunyaq jirkano kaptinpis Edén huertano kananpaqmi tikrasishaq. Saymi Sióncho seqaypa kushikur alabayämanqa.

Isaías 53:11

Nakashqan alipaq kashqanta rikarmi kushikunqa. Tayta Diosmi nin: <

Isaías 58:11

Noqami uysha misiqno imaypis ali rikayäshayki. Imata nistäyashqaykitapis kamaripäyäshaykimi. Kalpaykikuna kananpaqpis yanapäyäshaykimi. Saynöpis ali parqush huertano y imaypis mana sakiq nawin pukyunömi kayanki.

Isaías 61:11

Maysay nacionchöpis alilatana rurar payta alabayänanpaqmi Tayta Dios kamakäsinqa. Qewata jeqasimushqanno y huertacho plantata sheqlisimushqannömi salvacionta chäsimunqa.

Isaías 65:13

Saymi Tayta Dios nin: <

Isaías 66:14

Sayno kaykaqta rikayashpayki seqaypami kushikuyanki. Tamya wisan qewa loqlushqannöraqmi qamkunapis saycho täyashpayki sänu kawayanki. Sirviqninkunataqa Tayta Dios saycho yanapanqami. Chikiqninkunatami isanqa ajanashpan llëvasinqa.

Mateo 25:40

Sayno niyaptinmi rey ninqa: .

Lucas 12:4

<

Juan 3:29

Majasakänanpaq kaq maqtalami parlakushqan jipashyuqqa. Majasakaq maqta parlashqanta wiyar amïgun kushikushqannölami noqapis kushikü.

Hechos 11:29

Muchuy kananpaq wilakuptinmi discïpulukuna wilanakuyarqan imatapis kashqanpita shuntarkur Judeacho kaq wawqi panikunaman apasiyänanpaq.

Efesios 5:18

Ama upyayaysu. Shinkash runaqa lutankunatami ruran. Saypa trukanqa Espíritu Santupa munaynincho kawayay.

Apocalípsis 22:17

Santu Espïritupis y Jesucristuwan majasakänanpaq jipashpis <<¡jukla shamuyna, Taytay!>> nikäyanmi. Kay librucho qelqaraykaqkunata wiyaqkunapis <> niyäsun. Yakunaqkunaqa shayämusun. Imayyaqpis kawasikuq yakuta dembaldila upuyäsun.

Jueces 14:11

Sansónta rikaykurmi filisteo runakuna kimsa chunka (30) maqtakunata qayasiyarqan paywan mikur upur kayänanpaq.

Jueces 14:20

Sayyaqmi Sansónpa warminta papänin täsirqan say fiestaman aywaq maqtawan. Say maqta karqan Sansónpa yanasanmi.