Cantares 4:8 - Tayta Diospa Wilakuynin

⁸ Kuyay warmilä, Líbanupita nawpäman shamuykulay. Líbano jirkakunacho kashqaykipita shamuykulay. Amaná niyashqan puntapita shamuykulay. Senir niyashqan Hermón jankapita shamuykulay. Leonkuna tänan machaypita y tigrikuna tänan puntapita shamuykulay.

Cantares 4:8 ပူးပေါင်းရင်းမြစ်များ

1 Reyes 4:33

33 (5.13) Paymi tukuyläya jachakuna imano kashqantapis tantiyarqan. Saymi Líbanucho kaq jatusaq cedru qerukuna y perqakunacho winamuq qewakuna imano kashqantapis ali yachasirqan. Saynölami yachasirqan tukuy casta uywakuna, pajaqkuna, pachalanpa y lätaypa puriqkuna y pescädukuna imano kashqantapis.

2 Reyes 5:12

Damascuchöpis Abanawan Farfar mayukuna kaykanmi. Say mayukunaqa Israelcho lapan mayukunapitapis mejormi. Mayucho armakushläwan aliyänäpaq kaptinqa Damascuman kutikushun saycho armakunäpaq>>. Sayno nirmi fiyupa rabyash aywakurqan.

1 Crónicas 5:23

Pulan Manasés trïbu runakuna aläpa mirarmi täyarqan Basánpita hasta Baal-hermónyaq y Senirpita hasta Hermón jirkayaq.

Salmo 45:10

10 (11) Shumaq wiyamay, hïja. Kanan yäsishqäta shumaq tantiyakuy. Marka mayikikunapaq y aylluykikunapaq ama yarparaynasu.

Salmo 72:16

Mandashqan nacioncho trïgu shumaq wayuykuläsun. Intëru jirkakunachöpis kichkiyparaq kaykuläsun. Líbanuchönöraq loqluypa loqlur winaykuläsun. Runakunapis jachakunanöraq askaman mirayäsun.

Salmo 76:1

1 (2) Judá nacioncho lapanmi musyayan Tayta Dios kashqanta. Israel nacionchöpis pïmaymi musyayan Tayta Dios poderösu kashqanta.

Salmo 76:4

4 (5) Lapanpitapis mas munayyuqmi kaykanki, Tayta Dios. Aska uywayuq jirkapitapis qamqa mas kuyaypaqmi kaykanki.

Salmo 89:12

12 (13) Qammi kamashkanki nortilätapis surlätapis. Tabor puntapis y Hermón jankapis kushishqami alabayäshunki.

Proverbios 9:6

Mana ali ruraykunata kachariyay. Kacharirqa alimi kawayankipaq. Tantiyakuq runano shumaq kawayay>>.

Cantares 2:13

Hïgus jachakunapis wayuraykäyannami. Üva jachakunapapis mushkuynin mayakaykämunnami. Kuyaynï, jukla sharkur aku aywakushun.

Cantares 5:1

Kuyay warmilä, huertächönami kaykä. Shuntaykämi mïrra perfümitawan kuyaylapaq mushkuq waytakunatapis. Panalnincho kaykaq mishkitapis yawaykänami. Lichitapis vïnutapis upuykänami. Amïgukuna, jimayashqaykiyaq mikuyay, upuyay.

Cantares 7:11

11 (12) Kuyaynï, markapita jukla yarqushun. Kuyaylapaq mushkuq waytakunapa chawpincho warämushun.

Isaías 62:5

Jipashwan maqta majasakashqannömi Tayta Diospis qamwan majasakanqa. Warminwan runa kushish kawashqannömi Tayta Diospis qamwan kushish kanqa.

Ezequiel 27:5

Senir jirkapita apayämushqan pïnu qerupitami rurayäshushkanki. Líbanupita apayämushqan cedru qerupitami mastilnikita rurapäyäshushkanki.

Juan 12:26

Pipis sirvimayta munaq kaqqa qatirämäsun. Qatirämarqa noqa kaykashqächömi kaykanqa. Sirvimaq kaqtaqa Taytäpis kuyanqami.

Deuteronomio 3:25

Taytay, kanan ruwakushayki. Kuyaylapaq jalqakunata y Líbanutapis rikaykunäpaq Jordán mayuta simpaykasilämay>.

Deuteronomio 3:9

(Hermón puntatami Sidón runakuna Sirión niyarqan. Amorreo runakunanami Senir niyarqan.)

Josué 12:1

Jordán mayuta manaraq simparmi ishkay reykunata wanusir nacionninkunata Israel runakuna sarikurkuyarqan. Say reykuna mandayarqan Arnón mayupita Hermón puntayaqmi. Say karqan Arabá pampa simpan inti jeqamunan kaqläpami.