Cantares 4:16 - Tayta Diospa Wilakuynin

¹⁶ ¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 4:16 ပူးပေါင်းရင်းမြစ်များ

Eclesiastés 1:6

Saynölami wayrapis sur kaqläpa aywarkur norti kaqläman kutin. Mana päraypami imaypis tumaykan.

Eclesiastés 2:5

Huertata ruraykasirmi imayka niraq waytakunatapis plantasishkä. Saynölami tukuy casta frütakunatapis plantasishkä.

Cantares 1:13

Taksha walqiwan sararashqä mïrra perfümi qasqulächo kashqannömi kuyaynïpis qasqulächo warati punun.

Cantares 1:4

¡Cuartuykiman jukla pushakalämay, tayta rey! Saychömi seqaypa kushish qoyäshun. Vïnuta upur kushikushqansipitapis masmi kuyanakur kushikushun. ¡Rasuntachir jipashkuna kuyayäshunki!

Cantares 2:3

Munti rurincho manzäna wayuraykaqnömi qamqa lapan maqtakunapitapis mas kuyaylapaq kaykanki, kuyaynï. Nawpaykiman jamaykurqa manami yarquytapis munäsu. Mishkinömi kuyakuynikipis kaykan.

Cantares 2:8

¡Kuyashqä maqta parlamushqanta wiyaykänami! ¡Payqa shamuykannami! ¡Puntakunapa y jirkakunapa pañaykacharraqmi shamuykan!

Cantares 5:1

Kuyay warmilä, huertächönami kaykä. Shuntaykämi mïrra perfümitawan kuyaylapaq mushkuq waytakunatapis. Panalnincho kaykaq mishkitapis yawaykänami. Lichitapis vïnutapis upuykänami. Amïgukuna, jimayashqaykiyaq mikuyay, upuyay.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Cantares 8:12

Salomón, say runakunapita waranqa qellayta chaskiptikipis y chakra rikaqkunata ishkay pachak (200) qellayta pägaptikipis noqaqa üva chakräta kikïmi rikakü.

Isaías 64:1

1 (63.19b) ¡Ima aliraq kaykunman jana pasata kichaskir shamuptiki! Shamuptikiqa jirkakunapis pasaypami suksukyäyanman.

Ezequiel 37:9

Saymi Tayta Dios nimarqan: < >>.

Mateo 26:10

Sayno niyashqanta wiyaykurmi Jesús nirqan: <<¿Imanirtaq kay warmita jamuraykäyanki? Pay alitami rurash.

Mateo 26:12

Pampash kanäpaqmi payqa perfümita winapämar kamariykäman.

Juan 3:8

Wayrämushqanta wiyarpis manami musyankisu maypita shamushqanta ni maypa aywashqantapis. Saynölami pipis tantiyansu Espíritu Santupa munayninwan runakuna imano yuriyashqantapis>>.

Juan 5:8

Sayno niptinmi Jesús nirqan: <<¡Sharkuy! Kirmaykita apakurkur aywakuy>>.

Hechos 4:31

Tayta Diosta manakuyta ushaskiyaptinmi shuntaraykäyashqan wayi suksukyarqan. Saymi Espíritu Santupa munayninwan Tayta Diospa wilakuyninta mana mansariypa wilakuyarqan.

Romanos 15:16

Jesucristupa ali wilakuyninta mana Israel runakunata wilapänäpaq churamash kaptinmi. Saymi wilakuykä mana Israel runakunapis Espíritu Santu yanapaptin Tayta Diospa shonqunpaq sacrificiuno kayänanpaq.

Romanos 15:28

Kay ofrendata Jerusaléncho wawqi panikunata entregaykurnami Españapa aywaqnöla qamkunatapis watukayäshayki.

1 Pedro 2:5

Qamkunapis rumino kayaptikimi Tayta Dios churaykäyäshunki templun kayänaykipaq y payta sirviq santu cürakuna kayänaykipaqpis. Saymi altarman churash sacrificiuno kashpansi lapan shonquykikunawan payta sirviyänayki. Jesucristupa yanapayninwan sirvirmi Tayta Diospa shonqunpaqno kayankipaq.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.