Cantares 4:12 - Tayta Diospa Wilakuynin

¹² Kuyay warmilä, intërunpa qenchash huertami kaykanki. Shumaq sapash yaku pözumi kaykanki.

Cantares 4:12 ပူးပေါင်းရင်းမြစ်များ

Génesis 29:3

Say läjataqa lapan misikuqkuna chaykurraqmi kichayaq uyshankuna y cabrankuna yakuta upuyänanpaq. Yakuta upuskiyaptinnami yapay läja rumiwan saparkuyaq.

Cantares 4:9

Kuyay warmilä, qampaqmi shonqü pasaypa turbatan. Rikäramaptiki shonqüpis pasaypami kurun kurunyan. Walqaykipa jïlulanwanmi shonqüta suwapämashkanki.

Cantares 6:11

Nogal jachakuna kaykäyashqan huertamanmi yaykushkä. Sayman yaykushkä mayu kuchun pampa verdiraykaqta rikanäpaq, üva chinkiraykaqta rikanäpaq y granäda tukturaykaqta rikanäpaqmi.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Isaías 58:11

Noqami uysha misiqno imaypis ali rikayäshayki. Imata nistäyashqaykitapis kamaripäyäshaykimi. Kalpaykikuna kananpaqpis yanapäyäshaykimi. Saynöpis ali parqush huertano y imaypis mana sakiq nawin pukyunömi kayanki.

Jeremías 31:12

Kutiykamurmi Sión lömaman wisarkur kushish cantayanqa. Bendicionnïwanmi mikuypis, vïnupis, aceitipis, uyshapis, wäkapis saysika kanqa. Täyashqan parti parquna huertano kaptinmi imapis pishinqanasu.

Oseas 6:3

¡Tayta Diosman imanöpapis kutishun! Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi. Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.

1 Corintios 6:13

Wakinnikiqa niyanki: <>. Sayno niyaptikipis Tayta Diosmi pachansitapis mikuytapis ushakäsinqa. Saynölami cuerpunsipis fornicación jusata jusalikunansipaqsu kaykan, sinöqa Señor Jesucristo munashqanno kawanansipaqmi.

1 Corintios 7:34

Sayno karqa warminta ali rikayänanpaqraq y Jesucristuta sirviyänanpaqraqmi yarpachakuyan. Saynölami viüdakunapis y jipashkunapis Señor Jesucristo munashqanno lapanchöpis santu kawayänanpaq yarpachakuyan. Runayuq warmikunami isanqa runanwan ali kawayänanpaq mas yarpachakuyan.

2 Corintios 1:22

Saynöpis shonqunsicho kananpaq Espíritu Santuta kachamurmi paylapana kanansipaq sëllamashkansi. Espíritu Santuta chaskikurmi musyansi Tayta Dios lapan promitimashqansita cumplinanpaq kashqanta.

Efesios 1:13

Qamkunapis ali wilakuyninta wiyarmi Jesucristuman yärakur salvakuyashkanki. Saynöpami promitishqan Espíritu Santuwan Tayta Dios shonquykikunata sëllayäshushkanki.

Efesios 4:30

Lutankunata rurar Espíritu Santuta ama lakikasiyaysu. Paymi shonquykikunata sëllayäshushkanki Jesucristo kutimunan junaq salvash kayänaykipaq.

Apocalípsis 21:27

Sayman manami yaykuyanqasu jusasapakuna, lutanta ruraqkuna ni lulakuqkunapis. Sayman yaykuyanqa Libru de la Vïdacho jutinkuna qelqaraykaqkunalami. Say libruqa Carnishpa librunmi kaykan.

Apocalípsis 7:3

nirqan: <<¡Tayta Diosninsipa sirviqninkunata urkunkunacho manaraq señalaptïqa amaraq ushakäsiyayraqsu kay pasacho kaqkunata, lamarcho kaqkunata ni jachakunatapis!>>