Cantares 3:8 - Tayta Diospa Wilakuynin

⁸ Lapanpis espäda manijaq y pelyay yachaq soldädukunalami kaykäyan. Sakaypa imapis kaptin jukla pelyayänanpaqmi seqlancho espädata purisiyan.

Cantares 3:8 ပူးပေါင်းရင်းမြစ်များ

Nehemías 4:16

16 (10) Saypita pasami munaynïcho kaq pulan soldädukuna aruyarqan y pulan kaqkunanami bronci chalëcun jatish pelyayänanpaq shuyaraykäyarqan lanzankunawan, escüdunkunawan y flëchankunawanpis. Capitankunapis Judá runakunata yanapäyänanpaq listumi kaykäyarqan.

Nehemías 4:17

17 (11) Murällata alsaqkuna y rumi ashtaqkunapis jukaq makinwan aruyaq y jukaq makinwannami armankunata aptaräyaq.

Salmo 45:3

3 (4) Shumaq kamaränaykipaq seqlaykiman espädaykita jatikuy. Espädaykiwanran waräwa rikakunki.

Salmo 91:5

Sakaypa ima kaptinpis manami mansarinkisu. Junaqpa flëchayaptinpis manami mansarinkisu.

Cantares 3:7

¡Sayqa kaykan Salomónpa andanmi! Soqta chunka (60) soldädukunapa chawpilantami shamuykan. Say soldädukunaqa Israelcho alinnin kaq soldädukunami kaykäyan.

Cantares 3:9

Andantaqa Líbanupita apasimushqan alinnin kaq qerukunapitami rey Salomón rurasish.

Isaías 27:3

Noqa Tayta Diosmi say üva chakrata shumaq rikaykä. Mana kachaypami parqupaykäpis. Pipis mana jarukunanpaqmi paqasta junaqta rikaykä.

Jeremías 50:9

Noqami kamakäsishaq Babiloniata atacayänanpaq. Norti kaqläpitami munayyuq nacionkuna wilanakurkur atacaq aywayanqa. Atacaqninkunami flëchawan wanusir Babilonia runakunata vinciyanqa.

Jueces 3:16

Impuestuta manaraq aparmi Aodqa pulan metru largutano ishkan lädunpa afilash espädata rurarqan. Nirkurmi mödanan rurinpa aluq kaq seqlanman jatirkurqan.